Қайрат Сатыбалдының бұрынғы күйеу баласы сотта өзіне қысым жасалғанын айтты
Бұл оқиға 2019 жылдың ақпанынан шілдесіне дейін жалғасқан.
Қайрат Сатыбалдының бұрынғы күйеу баласы Абай Жүнісов сотта өзіне Сатыбалды мен оның серіктестері заңсыз ұстап, физикалық қысым жасағанын айтты, деп хабарлайды Malim.kz.
Бұл оқиға 2019 жылдың ақпанынан шілдесіне дейін жалғасқан.
Бірде мені Қайрат Сатыбалды Kaisar Plaza-ға (Алматыдағы бизнес-орталық) шақырды. Мұнда мен оның не айтатын ойламадым. Маған не істейтініне көбірек алаңдадым. Бұған дейін Гүлмира “бұл біздің соңғы кездесуіміз болуы мүмкін” деп ескерткен еді. Ал Қайрат жеті қабат жер астына жоғалсам да, бәрібір тауып алатынын айтты, – деді Абай Жүнісов.
Сондай-ақ ол "Қазақтелекомға" тиесілі жабдық арқылы өтірік детекторынан өтуге мәжбүр болғанын, Сатыбалдының жұбайы сол арқылы шетелдегі активтер мен мүлік туралы ақпаратты білуге тырысқанын айтты.
Еске салсақ, бүгін Алматыда Гүлмира Сатыбалдыға қатысты сот отырысы басталды.
Коллаж: halyq-uni.kz
