Қазақстандағы су тасқыны: тағы бір халықаралық іс-шара өтпейтін болды

2018 жылы басталған Digital Bridge халықаралық форумы биыл алтыншы рет өтуге тиіс еді.

Malim Админ

  • 20.05.2024

Цифрлық даму министрлігі Астанада жоспарланған Digital Bridge 2024 халықаралық ІТ-форумын өткізуден бас тартты, деп хабарлайды Malim.kz.

Ведомство мұндай шешімді президенттің тиісті тапсырмасынан кейін қабылдаған.

Мемлекет басшысы Қасым-Жомарт Тоқаевтың еліміздегі су тасқыны жағдайына байланысты ірі іс-шаралардан бас тарту туралы тапсырмасына сәйкес Digital Bridge 2024 халықаралық ІТ-форумын өткізбеу туралы шешім қабылданды. Форум Астанада осы жылдың 5-7 қыркүйегіне жоспарланған болатын, - делінген хабарламада.

Министрлік биылғы су тасқыны Қазақстандағы соңғы 80 жылдағы ең ірі табиғи апат болғанын еске салды.

Осыған байланысты ауқымды қиратулардың салдарын жою және ел азаматтарына көмек көрсету үшін қаражатты үнемдеу мақсатында президент үкіметке жоспарланған имидждік және басқа да ірі іс-шараларды өткізуден бас тартуды тапсырды, - деп түсіндірді ведомстводағылар.

2018 жылы басталған Digital Bridge халықаралық форумы биыл алтыншы рет өтуге тиіс еді. Форум IT-индустрияның соңғы тенденциялары мен даму перспективаларын талқылауға арналған Орталық Азиядағы ең ірі алаң болды.

Айта кетері, 2020 жылы халықаралық іс-шара COVID-19 пандемиясына байланысты өткізілген жоқ.

Digital Bridge ұйымдастырушылары – Цифрлық даму, инновациялар және аэроғарыш өнеркәсібі министрлігі мен Astana Hub халықаралық технопаркі форумға қатысуға ниет білдірген барша жанға алғыс білдірді.

Министрліктің ақпаратынша, Digital Bridge халықаралық IT-форумы өз жұмысын 2025 жылы қайта бастайды.

Фото: istockphoto.com

Байланысты жаналықтар

Астанада Тоқаев білім алған қытайлық университеттің филиалы ашылады

20.06.2024

Тоқаев Төтенше жағдайлар министріне бірқатар міндет жүктеді

20.06.2024

Суға батқан адамдарды құтқарған атыраулық полицейлер марапатталды

20.06.2024

Алдағы он күнде қай өңірлерде құрғақшылық болады

20.06.2024

Қазақстанда бүгіннен бастап вейптерге тыйым салынды

20.06.2024

Елімізде несиесі кешірілетін азаматтар санатының тізімі толығуы мүмкін

20.06.2024
MalimBlocks
Астанада Тоқаев білім алған қытайлық университеттің филиалы ашылады

ЖОО филиалы ЭКСПО аумағында орналасқан.

Тоқаев Төтенше жағдайлар министріне бірқатар міндет жүктеді

Министрдің айтуынша, 20 өрт сөндіру депосының құрылысы жүргізіліп жатыр, сондай-ақ елордада тез құрастырылатын өрт сөндіру депосы мен жатақхана салу жөніндегі пилоттық жоба іске қосылған.

Суға батқан адамдарды құтқарған атыраулық полицейлер марапатталды

Полицейлер Атырау облысы Құрманғазы ауданы полиция бөлімінде қызмет етеді.

Алдағы он күнде қай өңірлерде құрғақшылық болады

«Қазгидромет» РМК дауылды ескерту жариялады.

Қазақстанда бүгіннен бастап вейптерге тыйым салынды

Яғни вейптердің айналымы үшін бүгіннен бастап қылмыстық жауапкершілік көзделген.

Елімізде несиесі кешірілетін азаматтар санатының тізімі толығуы мүмкін

Құжат 1 шілдеге дейін талқыланады.