«Самұрық-Қазына» басшы әйелдерді көбейтпек

«Самұрық-Қазына» тобындағы басшылық лауазымдардың үштен бірін әйелдер атқармақ.

  • 05.05.2023

Бұл хабар бүгін Астанада өткен квазимемлекеттік секторда әйел басшыларды даярлау рәсімінің қорытындысында айтылды. Әйел басшыларды даярлау  «Гендерлік теңдік» бағдарламасы аясында жүріп жатыр екен. «Самұрық-Қазына» АҚ компаниялар тобының бұл оқу жобасы Президент жанындағы Әйелдер істері және отбасылық-демографиялық саясат жөніндегі ұлттық комиссияның қолдауымен құрылған және квазимемлекеттік секторындағы компаниялар мен ұйымдардың басқарушы органдарында әйелдердің үлесін арттыруға бағытталған»,- дейді БАҚ-қа таратылған баспасөз мәліметінде. Ондағы хабарға қарағанда бұл жоба президентінің мемлекет қатысатын компаниялардағы басшылық лауазымдардағы әйелдердің 30 пайыздық өкілдігі тапсырмасын іске асыру тетігінің біріне айналған. Жиынға қатысқан Президент әкімшілігі басшысының орынбасары, Әйелдер істері және отбасылық-демографиялық саясат жөніндегі ұлттық комиссияның төрағасы Аида Балаева: «Ұлттық комиссия қоғамдық негізде жұмыс істейтін және белгілі бір саланың дамуына және қоғамның өзекті мәселелерін шешуге үлкен үлес қосатын өте белсенді және перспективалы әйелдерден тұрады. Бүгінде Әйелдер қозғалысы жаңа жарқын өкілдермен және көшбасшылармен толықтырылуда. Сіздердің әрқайсыңыздың қазақстандық қоғамдағы әйелдердің жағдайын жақсартуға ықпал ететін өз идеяларыңыз, бастамаларыңыз, жобаларыңыз бар екеніне сенімдімін. Менің ойымша, әйелдерді әртүрлі компаниялардың Директорлар кеңесіне қосуды көздейтін бүгінгі жобамыз бірегей»,- депті.

«Самұрық-Қазына» басқарма төрағасы Нұрлан Жақыповта  сөз алып, былай депті: «Бүгін компанияларды басқаруға бағытталған тәсілдерді жетілдірудің өте маңызды кезеңін аяқтап отырмыз. Бізде шешім қабылдау деңгейінде жұмыс істеуге дайын әйелдер пулы бар. Біздің көшбасшыларды даярлау тәжірибеміз бүкіл елге пайдалы болатынына сенімдімін және біз оны бөлісуге дайынбыз».

 «Самұрық-Қазына» тобында 259,5 мың адам бар екен, оның  72 мыңы әйел. 8,5 мыңға жуығы бөлім бастығы лауазымынан бастап басшылық лауазымға дейін қызметте. Бұл жалпы басшылар санының шамамен үштен бір бөлігі. Ал жоғары басшылықта (басқармалар, директорлар кеңестері, байқау кеңестерінде) әйелдердің үлесі  15 пайыздан аспайды екен. Енді әйел басшыларды сан жағынан көтергісі келетіндер бұл көрсеткішті 2023 жылы 20%-ға дейін және 2030 жылға қарай 30%-ға дейін арттырмақ.  Осыған байланысты әйелдер көшбасшылығы дағдыларын қалыптастыру, әйел көшбасшыларды ынталандыру және ілгерілету, гендерлік теңдік басымдықтарына қол жеткізу жөніндегі ортаны дамыту үшін жағдайлар жасалады деп отыр.

Осы міндеттерді іске асырудың тиімді құралдарының бірі «Гендерлік теңдік» бағдарламасы болды екен. «Гендерлік теңдік» бағдарламасымен Қазақстанның түкпір-түкпірінен басқарушылық тәжірибесі бар «Самұрық-Қазына» компаниялар тобының қызметкерлері мемлекеттік компаниялардың директорлар кеңестері мен байқау кеңестерінің құрамына кіру үшін менеджменттің қосымша курстарынан өтіпті. Бүгінде 71 әйел курсты аяқтап, сертификат алған екен. 15 түлек орталық мемлекеттік органдар, әйелдер істері және отбасылық-демографиялық саясат жөніндегі өңірлік комиссиялар жанындағы сараптамалық топтарға енгізіліпті. Тағы 10 қатысушы мемлекеттік компаниялардың басқару органдарына қабылданыпты. Қысқасы, әйел басшыларды сан жағынан көтеру ісінде шенділер жерге қарамайтын сияқты.

Байланысты жаналықтар

«АМӨЗ»-ден шыққан шу. Жусанбаевтың тентектігін кім тияды?

21.02.2024

Қостанайда Қазақстан мен Ресейдің XIX өңіраралық ынтымақтастық форумы басталды

09.11.2023

Түркі мемлекеттерінің ұйымы бірқатар мәселеге басымдық бермек

03.11.2023

Е.Досаевтың Қ.Тоқаевқа айтқан қауіпсіз жерлерін алматылықтар білмейді

13.10.2023

Назарбаевты мақтағандар енді Тоқаевты мадақтауда

20.07.2023

Ғ.Жақиянов: Билік біздің орнымызға ештеңе шешпеуі керек

12.07.2023
MalimBlocks
«АМӨЗ»-ден шыққан шу. Жусанбаевтың тентектігін кім тияды?

Компания саясатына кереғар әрекет етіп,  коммерциялық құрылымдардан негізсіз артық табыс алуға мүдделі адамдардың наразылығына әкелді

Қостанайда Қазақстан мен Ресейдің XIX өңіраралық ынтымақтастық форумы басталды

Бүгін Қостанайда «Ауыл шаруашылығы – мықты экономиканың негізі» тақырыбында Қазақстан мен Ресейдің XIX өңіраралық ынтымақтастық форумы басталды.

Түркі мемлекеттерінің ұйымы бірқатар мәселеге басымдық бермек

«Түркі әлемі» атты жаңа брендті дәріптеуіміз керек

Е.Досаевтың Қ.Тоқаевқа айтқан қауіпсіз жерлерін алматылықтар білмейді

Алматы қаласының әкімі Ерболат Досаев президент Қасым-Жомарт Тоқаевтың қабылдауында болып, жұмысына есеп берді. Атқарылған жұмыстардың ішінде ол  «Алматыда төтенше жағдай кезінде көпшілік жиналатын 545 қауіпсіз орын бар» деп мәлімдепті. 

Назарбаевты мақтағандар енді Тоқаевты мадақтауда

Шығыс Қазақстан облысы Тоқаевты мадақтайтын бейнероликке 5,2 миллион теңге жұмсаған.

Ғ.Жақиянов: Билік біздің орнымызға ештеңе шешпеуі керек

Путиннен кейін орыс «көке» болмайды