«Таза Қазақстан» акциясы: Алматы облысы Жамбыл ауданындағы 61 елді мекенде сенбілік өтті

Республикалық «Таза Қазақстан» акциясы басталғалы бері Алматы облысы Жамбыл ауданындағы 61 елді мекенде күнделікті сенбілік өтіп жатыр, деп хабарлайды Malim.kz.

Бүгін ауданымыздың рухани орталығы болып саналатын Жамбыл ауылындағы Жамбыл Жабаевтың музейінде 500-ден астам адамның қатысуымен ауқымды сенбілік өтті. Өткен аптада «Таза өлке» акциясы бойынша желілік кестемен өткен сенбілік енді «Киелі мекен» акциясымен жалғасты. Жамбыл ауылында өткен сенбілікке ауыл тұрғындары, зиялы қауым өкілдері, өнер саласының қызметкерлері, ардагерлер, жастар, еріктілер, депутаттар қатысты. «Киелі мекен» акциясы аясында Жамбыл ауданында орналасқан 51 ескерткішті тазалау, абаттандыру жұмыстары жүргізілетін болады, - делінген хабарламада.

Сонымен қатар бүгін дәл осындай сенбілік «Таңбалы» музейінде де өтіп жатыр.

«Тазалық - денсаулық кепілі», ол үлкен мәдениеттіліктің белгісі. Мемлекет басшысының бастамасымен қолға алынған бұл акцияға аудан халқы белсенді қатысуда. Бұл экологиялық акция тұрақты жалғаса береді. Барша аудан тұрғындарын акцияға белсенді қатысуға шақырамыз, - делінген хабарламада.

Фото: Жамбыл ауданы әкімдігі