Жыл басынан бері Петропавл әуежайы екі рет сатылым қойылған. Алайда аукционға қатысуға ешкім өтініш тастамағаннан кейін сату кейінге қалдырылып келді.
Бастапқыда әуежай құны 5,6 миллиард теңгені құрап, 3 жылға сатып алу мүмкіндігімен кепілге беріліп, сатып алған компания әуежайға 1,5 миллиард теңге инвестиция салуы керек еді. Жаңа аукционның ережелері бойынша кепіл уақыты 5 жылға ұзарып, инвестиция көлемі 1,2 миллиард теңгеге қысқарды.
Мұның барлығы әуежайды Солтүстік Қазақстан облысы әкімдігінің бюджетінен шығарып, жекеменшікке беру үшін жасалып отыр. Әзірге Петропавл әуежайы тек Алматы мен Нұр-Сұлтаннан келетін рейстерді қабылдайды. 2019 жылдың күзінде жоспарланған Омбы, Түмен, Мәскеу қалалары және Мысыр мен БАӘ курорттарына баратын рейстер әлі күнге ашылған жоқ.
