Әзербайжан мен Армения арасындағы Таулы Қарабақ аймағындағы әскери қақтығыс үшінші күні де жалғасты. Екі жақ бір-бірін айыптайтын мәлімдемелер таратып жатыр.
Таулы Қарабақ билігінің хабарлауынша, қақтығыстың екінші күні республика деп танылмаған аумақтың 53 жауынгері қаза тапқан. Ал Арменияның мәлімдеуінше, Әзербайжан қақтығыста 200 әскери қызметкерінен айырылды. Бірақ Баку бұл ақпаратты растамады. Екі жақ та қақтығыста артиллерия, танктер мен ауыр техникаларды қолданып жатыр.
Екі жақтың қақтығысы 27 қыркүйек күні басталған. Армения мен Таулы Қарабақ Әзербайжан республика деп танылмаған аймақтың астанасы Степанакерт пен басқа елдімекендерді "Град" жүйесінен атқылағанын мәлімдеді. Ал Әзербайжан қорғаныс министрі шабуылды Армения бастады дейді. Әзербайжан қорғаныс министрлігі Армения әскері миномет пен артиллериядан екі ел шекарасында орналасқан елдімекендерді атқылағанын айтты.
[poll id="2"]
Байланысты жаналықтар
MalimBlocks
