Қырғызстанның экс-президенті Асқар Ақаев Бішкекке ұшып оралды. Бұл жөнінде Kaktus Media басылымы хабарлады.
БАҚ-та жарияланған мәлімет бойынша, Асқар Ақаев ұлы Илиммен бірге тамыздың 1-і күні Бішкекке келген. Ол 2005 жылғы қызғалдақ революциясынан кейін Қырғызстанда болмаған. Илим Ақаев бұған дейін Бішкекке бірнеше рет келген.
Асқар Ақаев пен оның отбасының үстінен «Мээрим» қорына байланысты 30 қылмыстық іс қозғалған. Олар мемлекетке 64 миллион сом шығын келтірді деген айып тағылған. «Мээрим» қорын Асқар Ақаевтың әйелі Мейрам Ақаева басқарған.
8 шілдеде Қырғызстанның мемлекеттік қауіпсіздік комитетінің төрағасы Қамшыбек Ташиев Асқар Ақаевқа «Құмтөр» ісі бойынша іздеу жарияланғанын мәлімдеген. Ол 1990 және 2003 жылдары инвесторлармен «Құмтөрге» байланысты келісімшартқа отыру кезінде заң бұзушылықтар жасады деген күдікке іліккен.
2020 жылдың қараша айында Қырғызстан Бас прокуратурасы экс-президенттер Асқар Ақаев пен Құрманбек Бакиевті экстрадициялауға байланысты келіссөздер жүргізуін жалғастыратынын мәлімдеген. 2019 жылы ведомства егер Асқар Ақаев Қырғызстанға келетін болса, онда оны тиісті органдар тергеп, іс-әрекетіне құқықтық баға берілетінін айтқан.
Байланысты жаналықтар
MalimBlocks
