"Еңбекке жарамсыз" Есімов зейнетке кететін болды

Malim Админ

  • 26.03.2021

Самұрық-Қазына ұлттық әл-ауқат қорының төрағасы Ахметжан Есімов наурыздың 29-ы күні қызметінен босатылып, зейнетке шығады. Бұл жөнінде КазТАГ басылымы хабарлады.

Басылым мәліметінше, 29 наурызда Ахметжан Есімов зейнетке шығып, оның орнына келетін жаңа төраға елге таныстырылады. КазТАГ-тың қаржы саласындағы дерек көзінің айтуынша, дәл осы күні мемлекет басшылығы Есімовқа алғыс айтып, шығарып салмақ. Ол осы уақытқа дейін басшылықтан қызметтен босатуларын сұраған.

«29 наурызда Есімовті зейнетке шығарып салу шарасы өтеді. Оған мемлекет басшылығы алғыс айтады. Есімов демалысқа кетуді бұрынан сұрап жүрген. Бірақ басшылық коронавирус мәселесін шешу кезінде жұмыс істей тұруын сұраған. Осы жиын барысында қордың жаңа төрағасы таныстырылады», - деген дерек көз сөзін жариялады басылым.

Бұған дейін, наурыздың 20-ы күні әлеуметтік желіде Ахметжан Есімовтің қызметінен босатылғаны жөніндегі қаулы көшірмесі жарияланған. Онда Есімовтің «уақытша еңбекке жарамсыздығына байланысты қызметтен босатылғаны» жөнінде, оның орнына «Алмасадам Сатқалиев төраға қызметін атқаратыны» жөнінде айтылған.

Оқи отырыңыз: “Еңбекке жарамсыз”: Есімовтің отставкаға кеткені рас па?

Ахметжан Есімов 15 желтоқсанда 70-ке толған. Ол экс-президент Нұрсұлтан Назарбаевтың сенімді серіктерінің бірі және саясаттағы ескі гвардия өкілдерінің қатарына кіреді.

Ахметжан Есімов Самұрық-Қазына ұлттық әл-ауқат қорының төрағасы болып 2017 жылы тағайындалған. Оған дейін «Астана ЭКСПО-2017 ҰК» АҚ басқарма төрағасы, Алматы қаласының әкімі қызметтерін атқарған.

Есімов Алматы қаласының әкімі болып тұрған уақытта «Тәуелсіздік күні қалада болмаймын», «тауға тікұшақпен шығып, шаңғымен түсеміз», «әйелімнің үйінде тұрып жатырмын» деген сөздерімен ел есінде қалған.

Алмасадам Сатқалиев 2018 жылы Самұрық-Қазына әл-ауқат қорының Активтерді басқару және жекешелендіру басқармасының директоры болып тағайындалған. Бұған дейін «KEGOC» АҚ директорлар кеңесінің төрағасы болған.

Байланысты жаналықтар

Алматыда сазды лай көшкінінің болуына заңсыз салынған құрылыс себеп болды

16.04.2024

«Тағы бір Салтанаттың өлгенін күтеміз бе?»: Желіде әйелін аяусыз ұрған еркектің видеосы тарады

12.04.2024

Алматыда жер сілкінді

12.04.2024

ТЖМ Алматыда 30 мыңға жуық тұрғынның өміріне қауіп төніп тұрғанын мәлімдеді

12.04.2024

Алматы облысында екі жылдан бері пәтеріне кіре алмай жүрген үлескерлер шу шығарды

12.04.2024

Алматыда 1997 жылы заңсыз сатылған ҚазҰПУ ғимаратының бір бөлігі мемлекетке қайтарылды

09.04.2024
MalimBlocks
Алматыда сазды лай көшкінінің болуына заңсыз салынған құрылыс себеп болды

Таулы қырат елді мекеніндегі 2768 учаскеде құрылыс салу кезінде экожүйе бұзылғандығы анықталды.

«Тағы бір Салтанаттың өлгенін күтеміз бе?»: Желіде әйелін аяусыз ұрған еркектің видеосы тарады

Бұл туралы «Балалар қорғауда» жеке қорының басшысы Жанна Ахметова facebook-парақшасында жазды.

Алматыда жер сілкінді

Қаладан оңтүстік-шығысқа қарай 273 шақырым жерде, Қытай аумағында орналасқан – афтершок.

ТЖМ Алматыда 30 мыңға жуық тұрғынның өміріне қауіп төніп тұрғанын мәлімдеді

Мердігер ұйымның жауапты тұлғаларына қатысты бюджет қаражатын ұрлау бойынша тергеу жүргізіліп жатыр.

Алматы облысында екі жылдан бері пәтеріне кіре алмай жүрген үлескерлер шу шығарды

Жекеменшік пәтеріміз болады деп қуанған 200-ге жуық отбасы енді құрылыс компаниясының бас кеңсесін торуылдап жүр.

Алматыда 1997 жылы заңсыз сатылған ҚазҰПУ ғимаратының бір бөлігі мемлекетке қайтарылды

Университет ғимараты республикалық маңызы бар тарихи және мәдениет ескерткіштеріне жатады.