Таулы Қарабақтағы жағдайға байланысты Әзербайжан Парламенті бірнеше аймақтарына әскери жағдай енгізу туралы шешім қабылдады. Әзербайжан президенті Ильхам Әлиев бұйрыққа қол қойған, комендант сағаты дүйсенбіден бастап күшіне енеді. Бұл хабарды президенттің көмекшісі Хикмет Гаджиев хабарлаған.
«Әзербайжан президентінің бұйрығымен әскери жағдай енгізіледі. Президент Парламент шешімін мақұлдады», - деді Гаджиев.
Екі ел арасында 27 қыркүйек күні таңертең конфликт болған.
1991 жылы армяндар көп тұратын Таулы Қарабақ өлкесі Әзербайжаннан бөлініп, өз тәуелсіздігін жариялаған. Баку аймақты күшпен қайтаруға тырысқанда, соғыс өрті тұтанады. 1994 жылы Армения, Әзербайжан және мойындалмаған Таулы Қарабақ Республикасы татулық пртоколына қол қойған. Содан бері уақыт ара конфликт болып тұрған.
Осы жылдың шілде айында екі елдің әскерилері Карабақтан 300 шақырым жерде қақтығысып қалған. Екі мемлекеттен 18 адам қаза тапқан еді.
Осыған дейін Арменияның премьер-министрі Никол Пашинян Таулы Қарабақтағы жағдайдың ушығуына байланысты халқына үндеу жасаған еді.
«Армян халқы соғысқа дайын. Әзербайжанда армянфобия барын баяғыдан білетін, жаулық мен жеккөрушілік басқа жағдайға апармайтыны белгілі еді. Армения Арцахтың (Таулы Қарабах) тәуелсіздігі мен қауіпсіздігінің кепілі. Армения өз халқының потенциалы мен мемлекеттік жүйесімен тауған жердің шекарасын қорғауға бар күшін салады», – деген болатын Армения премьер-министрі.
Сонымен қатар Пашинян Әзербайжан Республикасымен болған бұл жағдайға Түркияның араласпағаны дұрыс деп мәлімдеген.
