Елімізде «Қазақстан Республикасының 2021-2025 жылдарға арналған Ұлттық қауіпсіздік стратегиясы» жаңартылып жатыр. «Сыртқы саяси зерттеулер институты» АҚ Басқарма төрағасының орынбасары Манарбек Қабазиевтың айтуынша, жаңартылған стратегияда биылғы ақпанда өткен Қауіпсіздік Кеңесінің отырысында тұңғыш президент белгілеген ұлттық мүдделерді қорғаудың тұжырымдамалық, жаңартылған тәсілдері енген.
Сарапшының айтуынша, ҚР Ұлттық қауіпсіздігінің 2021-2025 жылдарға арналған жаңа стратегиясында әлемде болып жатқан және Қазақстанның мүдделері тұрғысынан өзекті барлық өзгерістер көрініс тапқан.
Стратегия алдағы бес жылда күтілетін негізгі сынақтарға назар аударады. «Қазір де көптеген елдер аймақтық және ішкі жағдайлардың өзгеруіне қарай, өздерінің ұлттық қауіпсіздік стратегияларын қайта қарап жатыр», - деді М. Қабазиев. Стратегия өткен жылы басталған коронавирус пандемиясын және жалпы биологиялық қауіпсіздік мәселелерін жалғастыруды көздейді екен. Сондай-ақ Стратегияда әлеуметтік саланың, ақпараттық қауіпсіздіктің, киберқауіпсіздіктің аса маңызды мәселелері көрсетілген. Құжатта әлемдік нарықтардағы дағдарыс оқиғалары, оның ішінде қаржылық құбылыстар және олардың Қазақстан экономикасына әсері ескерілген.
М.Қабазиев атап өткендей, құжатта азаматтардың, қоғам мен мемлекеттің қауіпсіздігі бірінші орынға қойылыпты. Ұлттық қауіпсіздіктің жаңа стратегиясын қабылдау – ең алдымен, адами капиталдың қауіпсіздігін қамтамасыз етуді көздейтін уақытылы және маңызды қадам болмақ. Экологиялық қауіпсіздік мәселелеріне ерекше назар аударылған.
«Сонымен бірге, осындай деңгейдегі құжаттарда қорғаныс қабілеті мәселелеріне әрқашан бірінші кезекте мән беріледі. Жаңа стратегияда жаңа өңірлік және жаһандық сын-қатерлер, оның ішінде гибридтік және ассиметриялық сынақтар да көрініс тапқан», - дейді сарапшы.
