Мәсімов 428 мың теңге айыппұлмен құтылып кете ме?
Қазақстан ұлттық қауіпсіздік комитетінің бұрынғы төрағасы Кәрім Мәсімовтің немере інісі Нұрлан Мәсімовке 428 мың теңге айыппұл салынды. Мәсімовтың ісін Павлодар қалалық әкімшілік құқықбұзушылық жөніндегі мамандандырылған соты қарады. Отырыста Павлодар облысы полиция департаментінің бұрынғы басшысына қатысты екі іс қаралды.
Сот департаменттің 2021 жылы 18 қызметтік жылқыға жем сатып алуға 60,9 млн теңге бөлгенін анықтады. Алайда нормаларды бұзып, 10,7 млн теңге артық жоспарлаған. 2022 жылы жемге 13,4 млн теңге бөлінген, бірақ нормадан тыс 8,5 млн теңге қосылған.
Жемқорлықпен күрес қызметі бұған дейін «Мәсімовке мемлекеттік сатып алу және үлескер компаниялармен келісімшарттарға қол қою кезінде «қамқорлық көрсету үшін» 90,3 млн теңге сомасында пара алды» деген айып таққан. Оларға «мемлекеттік бюджеттің арттех қару-жарақ сатып алуға арналған 420 млн теңгесін жымқырды» деген де айып қосылған болатын. Сот тиімсіз жоспарлау бюджет ақшасын тиімсіз пайдалануға әкеп соқты деп есептейді.
«Облыстық полиция департаментінің бұрынғы басшысының кінәсі әкімшілік құқықбұзушылық туралы хаттамалар арқылы, аудиторлық есептер, тексеру комиссиясының материалдары, айғақтар және сот зерттеген басқа да материалдар арқылы дәлелденеді. Сот ҚР ӘҚБтК 234-1-бабы бойынша айыпталушыға әр іс бойынша 214,4 мың теңге көлемінде айыппұл тағайындады», - деп хабарлады соттың баспасөз қызметі.
Еске салсақ, 2 ақпанда Нұрлан Мәсімовтің ісі Павлодар мамандандырылған қылмыстық сотына қайтарылды.
Былтыр 17 қаңтарда Павлодар облысы полиция департаментінің басшысы Нұрлан Мәсімов қызметінен алынған болатын.
Сол жылы маусымда Павлодар облыстық Полиция департаментінің бұрынғы бастығы Нұрлан Мәсімовке іздеу салынды. Оған аса ауыр сыбайлас жемқорлық қылмыс жасады деген айып тағылды.
Кейін іздеу жарияланған Нұрлан Мәсімов туралы ақпарат берген адамға 12 млн теңгеге дейін сыйақы берілетіні хабарланды.
2022 жылы 13 шілде де ҚР Ұлтық қауіпсіздік комитетінің өкілдері Нұрлан Мәсімовті Ресеймен шекарада қолға түсірді.
Самое читаемое
