Нұр-Сұлтан жұмысын жарнамалауға 77 миллион жұмсалмақ

Есдәулет Қызырбекұлы

  • 12.03.2021

Нұр-Сұлтан қаласының әкімдігі жұмысын БАҚ-та жарнамалау үшін 77 миллион жұмсамақ.

Мемлекеттік сатып алулар порталында ілінген хабарламада Нұр-Сұлтан қаласының ішкі саясат басқармасы 77 365 178 60 теңгеге тендер жариялағаны көрсетілген. № 39827669-ОК1 лоттың техникалық ерекшелік жөніндегі хаттамасында «қызметті көрсету шеңберінде өнім беруші ақпараттық материалдарды кемінде 15 интернет-ресурста орналастыруы қажеттігі және барлық ақпарат тапсырыс берушінің (Нұр-Сұлтан қаласы ішкі саясат басқармасының) келісімімен жасалуы керектігі» айтылған.

Бұдан бөлек, өнім берушіге қойылатын талаптар қатарында мемлекет басшысы Қасым-Жомарт Тоқаев, экс-президент Нұрсұлтан Назарбаев, парламент пен үкімет, Нұр-Сұлтан қаласы әкімдігі мен мәслихаты жүргізетін мемлекеттік саясат түсіндіретін ақпараттар қазақ және орыс тілінде дайындау және жариялау бар.

Өтінімдерді қабылдау 17 наурыз күні сағат 9:00-де басталып, сәуірдің 1-і күні 9:00-де аяқталады деп жоспарланған.

Нұр-Сұлтан әкімдігі жұмысын қыруар қаржыға БАҚ пен әлеуметтік желіде жарнамалауға қатысты дауға бұған дейін де қалған. 2020 жылы БАҚ-та «Нұр-Сұлтан әкімдігі шаһар басшысы Алтай Көлгіновтың жұмысына пиар жасау мақсатында Dasco Data Com компаниясымен 125 миллион теңгеге келісімшартқа отырғаны жөнінде» ақпарат тараған. Кейіннен Көлгінов бұл келісімнің күші жойылғанын, бұл жұмыспен айналысқан басқарма басшысы жауапқа тартылғанын және 2020 жылы да, 2021 жылы да әкімдік жұмысын жарнамалауға бюджеттен ешқандай қаржы бөлінбегенін айтқан.

«Бұны ойлап тапқан басқарма басшысы жауапқа тартылды. Бұл лот жойылды, ол қазір жоқ. Бірқатар БАҚ бұны дұрыс көрсетпеген... 2020 жылы әкімдік имиджінне ешқандай қаржы бөлінген жоқ. 2021 жылы да қазынадан бұл мақсатқа қаржы қарастырылмаған», - деген Көлгінов.

Ал әкімнің баспасөз хатшысы Ақмарал Олжабаева өзінің "Facebook" парақшасына қала басшысының ақша төлеп, пікір сатып алуға мұқтаж еместігін және әкімдік жұмысын халық үшін жасап жатқанын жазған.

 

Алтай Көлгінов пен Нұр-Сұлтан әкімдігі жарнамасыз ақ соңғы уақыттары БАҚ бетінен түспейтін болды. Осыдан бірнеше күн бұрын елорда әкімдігіне бір топ ана түніп, әкімның халықтың алдына шығуын талап еткен. Бірақ аналар әкімдік дәлізіне екі апта қонған уақытта Көлгініов олармен бірде-бір рет кездеспеген...

Байланысты жаналықтар

«Депутаттар, шығыңдар!». Ашынған әйелдер Парламент үйіне барды  

29.03.2023

Назаров састы, Берденов қашты. Су жаңа депутаттар мандат алып жатыр

28.03.2023

«Amanat» партиясынан Мәжіліске баратын депутаттар кімдер?

28.03.2023

Арман Шораев: «Менің жеңісімді ұрлап жатыр»

20.03.2023

Сұлтан Хан Жүсіп Мәжіліске кандидат болып қайта тіркелді 

02.03.2023

Депутат кім болуы керек?  Парламентке әртістер қажет пе?  

09.02.2023
MalimBlocks
«Депутаттар, шығыңдар!». Ашынған әйелдер Парламент үйіне барды  

Олардың шағымын журналистер ғана тыңдады

Назаров састы, Берденов қашты. Су жаңа депутаттар мандат алып жатыр

Жастарды тәрбиелейміз дейді

«Amanat» партиясынан Мәжіліске баратын депутаттар кімдер?

Оларды Орталық сайлау комиссиясы тіркейді

Арман Шораев: «Менің жеңісімді ұрлап жатыр»

Протоколдардың жартысы біздің қолымызға тимейді

Сұлтан Хан Жүсіп Мәжіліске кандидат болып қайта тіркелді 

Сайлау комиссиясы қателігін түзетті

Депутат кім болуы керек?  Парламентке әртістер қажет пе?  

Елдегі ерінбегеннің бәрі депутат болудан дәмелі