Қаңтар оқиғасына қатысты 152 адам сотталды. Мұндай мәліметті Бас прокуратура өкілі Елдос Қилымжанов таратты.
Оның айтуынша, қаңтар оқиғаларын тергеумен арнайы прокурорлар басшылығымен ведомствоаралық жедел тергеу топтары айналысуда.
«Олардың өндірісінде 262 қылмыстық іс бар. Оның ішінде 44-і терроризм актісі, жаппай тәртіпсіздік бойынша 47 іс қозғалған. Осы қылмыстарды ұйымдастырушылар мен қатысушыларды анықтау және жауапқа тарту бойынша барлық қажетті шаралар қабылданып жатыр. Бүгінгі таңда 547 адам жаппай тәртіпсіздікті ұйымдастыруға және оған қатысқаны үшін күдікті деп танылды. Оның 269-ы қамауда. Жалпы ел бойынша тергеу органдары 3702 қылмыстық істі тергеу үстінде. Оның басым көпшілігі ұрлық, тонау, қаруларды жымқыру және басқа қиын емес қылмыстар", - деді ол орталық коммуникациялар қызметінде өткен брифингте. Сондай-ақ, Бас прокуратура 1-қызмет бастығының орынбасары тергеу әрекеттері жүргізілгеннен кейін істер сотқа бірден жолданып жатқанын айтты.
MalimBlocks
