«Тіл тұтастығы - ел тұтастығы» деген тақырыппен өткен онлайн-конференцияда Мәжіліс депутаты Геннадий Шиповских қазақ тілінде сөйлей алмайтын шенеуніктерге қынжылатынын айтты.
«Орталық коммуникациялар қызметіндегі брифингте немесе өңірлерге барғанда кейбір мемлекеттік қызметшілер қазақ тілінде сөйлеген кезде «ақсап» жатады. Тіпті, «қараны қара, ақты ақ» деп қазақ тілінде түсіндіріп те бере алмайды. Бұл, халық арасында теріс көзқарас қалыптастырады. Меніңше, осыған да мән беруіміз керек. Мәселен, «Таңшолпан» бағдарламасының тілшілері еліміздегі бір министрлікке хабарласып, қазақ тілінде спикер сұраса мемлекеттік тілде сөйлеп бере алатын спикерлерінің жоқ екендігін айтыпты. Осындай үлкен министрлікте қазақша түсіндіріп бере алатын маманның жоқтығына таңғаламын», - деді Геннадий Шиповских.
Сонымен қатар, депутат кино саласындағы дубляж мәселесіне тоқталып, шетелдік кинолардың қазақ тіліне аударылу мәселесін айтты. Бір жағы депутат өзінің қазақ тілін білетінін білдіріп отыр. Бірақ несі бар.
Қазақ тілінде қазақтың сөйлей алмауы, тіпті, орыс баласын да қынжылтатын уақытта өмір сүріп жатқанымызды несіне жасырамыз.
MalimBlocks
Елін сүйген қайраткер Нұртас Оңдасынов
Ол 1938 жылдан 1963 жылға дейін (25 жыл) – Қазақ КСР Жоғарғы Кеңесінің депутаты, ал 1940 жылдан 1958 жылға дейін (18 жыл) КСРО Жоғарғы Кеңесінің депутаты болды. 26 жыл (1938-1964) Қазақстан Компартиясы Орталық комитетінің және 14 жыл (1938-1951, 1954-1955) оның бюро мүшесі, Кеңес Одағы Компартиясының XVIII, XXII, XXIII съездері мен оның XVIII конференциясының делегаты, 13 жыл (1939-1952) СОКП Орталық Тексеру комиссиясының мүшесі болып сайланды.
