Қорғаныс министрлігі Қазақстан қарулы қақтығысқа дайын деп үміттенеді
Қазақстан Қорғаныс министрінің орынбасары Сұлтан Камалетдинов Сенат қабырғасында журналистер сұрағына жауап беру кезінде еліміздің Украина мен Ресей қақтығысында бейтарап позиция ұстанатынын айтты.
«Ресей мен Украина арасындағы қақтығыстың Қазақстанға еш қатысы жоқ. Біз екі жақты да қолдамаймыз. Бұл туралы сұрақ болуы мүмкін емес», - деді ол.
«Егер Украинадағы жағдай Қазақстанда қайталанса, біздің әскер оған дайын бола ма?» деген сұраққа Камалетдинов бұл сұрақтың бәрін мазалайтынын айтты.
«Кеше министр айтқандай, біздің қарулы күштеріміз берілген тапсырмаларды орындауға дайын деп үміттенеміз», - деді ол.
Ресей президенті Владимир Путин Украинаға тиесілі «сепаратистік» мемлекеттердің тәуелсіздігін мойындап, кейін оларға қауіп төніп тұр деген желеумен Украина қалаларын бомбалап, әскери «іс-қимылдар» бастаған. Бұл әрекетті ресми Киевпен әлемнің көптеген елдері «соғыс» деп атады. Қарулы қақтығыстар әлі де жалғасып жатыр.
Әзірге Қазақстан билігі бұл жағдайға қатысты түсінікті мәлімдеме жасаған жоқ. Президент Қасым-Жомарт Тоқаев екі ел басшыларымен сөйлесіп, оларды бейбіт келісімге келуге шақырды.
Байланысты жаналықтар
MalimBlocks
Тоқаев заңға қол қойды: шетелдік легионерлерге қаржы бөлінбейді
Мемлекет басшысы «Қазақстан Республикасының кейбір заңнамалық актілеріне дене шынықтыру және спорт, сондай-ақ артық заңнамалық регламенттеуді болғызбау мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды
