Түркістан облысының әкімі Өмірзақ Шөкеев желіде бірнеше күннен бері талқыланып жатқан Түркістандағы Керуен сарай қабырғасы "пенопластан жасалған" деген ақпаратқа түсініктеме берді. Облыс әкімі желіде мұндай ақпаратты таратқан блогер құрылысын саласын түсінбей, хайп қуып кетті деп есептейді.
"Кейбір блогерлер кішкентай бала сияқты, бірдеңені көреді де, сол мезетте әлеуметтік желіде жайып жібереді. Бірақ олар шын мәнінде сол арқылы өздерінің біліксіз екенін көрсетеді. 1 шақырымға созылып жатқан Керуен сарайға күнде барып жүрдім, ол темірбетон мен арматурадан салынған. Сейсмикалық қауіп аз болғанына қарамастан, оған төзімді, шыдас беретіндей етіп салынған. Қабырғада түрлі материалдар, әрлейтін материалдар қолданылатыны түсінікті. Ол сондай материалды көрді де, бүкіл Керуен сарай пенопластан жасалған деп топшылады. Егер ол құрылысты түсінсе, олай жазбас еді", - деді Ө.Шөкеев бүгін өткен онлайн брифингіде.
Шөкеев Керуен сарайды салған Sembol компаниясы қаласа блогерді жауапқа тарта алатынын айтты.
"Sembol беделін алдыңғы орынға қоятын әлемдік компания. Әрине, мұны өзім қаламаймын, бірақ беделге нұқсан келтіргені үшін компания жауапқа тартуды талап ете алады", - деді ол.
Шөкеев бүгінде пенопласт құрылыста жиі қолданылатынын жеткізді.
"Шын мәнінде пенопласт қабырға материалы ретінде құрылыста қолданылады. Шымкент пен Түркістанда салынып жатқан үйлерде пайдаланылып жатыр. Ол арзан және тиімді. Қазір бәрі пластмассадан жасалады. Қалам, үстел, микрофон, IPhone корпусы пластмассадан жасалады. Меніңше, жоқ жерден хайп шықты. Жауапкершілік деген болуы керек қой. Өйткені біз турист тартуға тырысып жатырмыз, шетелдік инвестор несие алып, ақша салды", - деді облыс әкімі.
87 миллиард теңгеге салынған Керуен сарайдың қабырғасы пенопластан жасалғанын блогер Шыңғыс Лепсібаев Facebook-тегі парақшасында 17 маусым күні хабарлаған.
Кейін Керуен сарай кешенінің баспасөз қызметі бұған түсініктеме беріп, сарайдың сыртқы қабырғасында "жаңа технологиялар" қолданылғанын жеткізді.
"Керуен сарай кешінінің жобасын мемлекеттік сараптама мақұлдады, барлық ғимарат арматура мен газоблоктан тұрғызылды, сыртқы жағында жаңа технологиялар мен қосымша жылыту және әрлеу материалдары қолданылды", - делінген Керуен сарай баспасөз қызметінің түсініктемесінде.
Байланысты жаналықтар
MalimBlocks
Қасым-Жомарт Тоқаев бір жылда не жұмыс атқарды?
Биыл Қасым-Жомарт Тоқаевтың ел президенті ретінде өкілеттілігін атқаруының екінші жылы басталады. Осы орайда әлеуметтанушы Айнұр Бақытжанова президенттің бір жылда атқарған жұмыстарына шолу жасапты. Назарларыңызға ұсынып отырған әлеуметтанушының пікірімен келісу-келіспеу мәртебелі оқырман құзырында.
Тайны дела Бишимбаева
В минувшие выходные специализированный межрайонный следственный суд Астаны санкционировал арест экс-министра нацэкономики Куандыка Бишимбаева, подозреваемого в убийстве собственной жены Салтанат Нукеновой. Пресс-служба горсуда сообщила об этом постфактум. Заседание, несмотря на резонанс, проходило без участия прессы.