Сұлтанов қанттың қымбаттауына Ресейді кінәлай ма?
Қазақстан премьер-министрінің орынбасары әрі Сауда және интеграция министрі Бақыт Сұлтанов елдегі қант жетіспеушілігінің себебін түсіндірді.
Үкіметтегі отырыстын кейін журналистер сұрағына жауап берген министр Ресейдің Еуразиялық экономикалық одақ аясындағы қант экспортына шектеу қою туралы шешімін тым кеш естігенін айтты.
«Қантты зауыттар өндіреді. Олар қажетті шикізатты өз бетімен сатып алады. Ал ол нарық коньюктурасына байланысты. Қазір нарық былай қалыптасып отыр. Біз импортпен келетін қанттың шамамен 70 пайызын іргедегі Ресейден алып келдік. Өйткені ол Бразилиядан қант тасығанға қарағанда әлдеқайда арзанға түсетін. Қант экспорты шектелетіні туралы сңоғы сәтте хабарлады. Сондықтан логистиканы өзгертіп жатырмыз. Яғни, бұл жерде ешқандай қате есеп болған жоқ», - деді Сұлтанов.
Сұлтановтың сөзіне сенсек, қазір қант өнімдерін елге жеткізудің басқа жолдары қарастырылып жатыр.
