Қытай Шымкент қаласына зауыт-фабрика салуға 155 миллиард теңге инвестиция құймақшы.
Қалалық әкімдік мәліметінше, 155 миллиард теңге қаржы химия, жеңіл өнеркәсіп, фармацевтика, білім, құрылыс және агроөнеркәсіп салалары бойынша 46 комплекске салынады деп жоспарлануда.
Бұдан бөлек, биыл Шымкентте жалпы құны 18,2 млрд теңге металлургия зауыты іске қосылды. Ол да Қытай инвестициясына салынған. Тағы бір қытайлық компания ферросиликомарганец өндіруге көмектеспек. Жоба құны 2,9 миллиард теңге.
Бұған дейін, сауда және индустрия министрлігі 2023 жылы Қазақстанда Қытай 24,5 миллиард доллар қаржысына салынатын 56 кәсіпорынның құрылысы аяқталатынын мәлімдеген.
«2005 – 2020 жылдар кезеңінде Қытай инвестицияларының жалпы көлемі $19,2 млрд асты. Сонымен қатар Қытайға тікелей инвестициялардың жылыстауы $ 667,2 млн құрады. Индустриялық-инвестициялық ынтымақтастық бағдарламасы аясында $ 24,5 млрд – қа 56 заманауи кәсіпорын салу жоспарлануда, бұл нысандардың басым бөлігі 2023 жылға қарай аяқталады деп күтілуде», - делінген министрлік таратқан мәлімдемеде.
