Тапқан адамға - 12 млн теңге. «ӨКМ Операторы» экс- құрылтайшысына іздеу салынды
920 миллион теңге мөлшерінде утильалым қаражатын иеленген
Антикор «ӨКМ Операторы» ЖШС бұрынғы құрылтайшысы Шынар Мұхтароваға іздеу жариялады.
Сыбайлас жемқорлыққа қарсы іс-қимыл агенттігі «ӨКМ Операторы» ЖШС басшылығына және басқа да тұлғаларға қатысты аса ірі мөлшерде ақша жымқыру белгілері бойынша соталды тергеп-тексеруді жалғастырып жатыр.
Антикор хабарламасында «ӨКМ Операторы» ЖШС бұрынғы құрылтайшысы Шынар Мұхтарованың күдікке ілінгені жазылған. Қылмыстық іс аясында 2017-2018 жылдар аралығында Экологиялық кодекс талаптарын бұза отырып, оған 920 миллион теңге мөлшерінде дивиденд түрінде заңсыз төленген утильалым қаражатын иеленген.
Антикор мәліметінше, Шынар Мұхтароваға іздеу жарияланды және оған қатысты сот «қамауда ұстау» түріндегі бұлтартпау шарасын қолданады.
Агенттік күдіктіге қатысты қандай да бір мәлімет болса +7 (7172) 909 260 телефонына хабарлауды сұрайды.
Іздестіріліп жатқан адамның орналасқан жері туралы ақпарат бергені үшін 4 000 айлық есептік көрсеткіш, яғни 12 млн теңге сыйақы беріледі. Хабарламаның құпиялығына кепілдік берілетіні айтылды.
Байланысты жаналықтар
MalimBlocks
Тоқаев заңға қол қойды: шетелдік легионерлерге қаржы бөлінбейді
Мемлекет басшысы «Қазақстан Республикасының кейбір заңнамалық актілеріне дене шынықтыру және спорт, сондай-ақ артық заңнамалық регламенттеуді болғызбау мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды
