Теректі сенімі  «Nur Otan» партиясында

Malim Админ

  • 08.01.2021

 «Nur Otan» партиясынан Теректi аудандық мəслихат депутаттығына үмiткерлер - Сержан Идиятов, Әділет Орынбасаров жəне Нұрсəуле Аткеева Федоровка ауылындағы «Теректi» шаруа қожалығының қызметкерлерiмен кездестi.

Жүздесуде «Nur Otan» партиясының Теректі аудандық сайлауалды бағдарламасы талқыланды.

Кездесуде Сержан Серiкұлы:

- Мемлекет басшысы Қасым-Жомарт Тоқаев Парламент Мәжілісі мен мәслихат депутаттары сайлауын тағайындау туралы үндеуінде Мәжіліс сайлауының 2021 жылдың 10 қаңтарында өтетінін жариялап, тиісті Жарлыққа қол қойған болатын. Үндеу жарияланғалы бері барлық саяси партиялар сайлау науқанына дайындықты бастап кетті. Біз де сайлауалды үгіт-насихат жұмыстарына қызу кірістік. Ауданымыздағы 15 ауылдық округте болып, тұрғындармен экспромт-кездесулер, «Кандидат – қонақта» канвассинг іс-шарасын, «Есіктен есікке» акциясын өткізіп, «Nur Otan» партиясының Теректі ауданы бойынша сайлауалды бағдарламасын таныстырдық. Әр кездесуде жерлестеріміздің сын, ескертпе, өтініштерін жазып алдық.  Айтылған мәселелердің шешімін табу жолында жұмыстанамыз. Жалпы, «Nur Otan» партиясының Теректі ауданы бойынша сайлауалды бағдарламасында ауданды дамытудың 7 бағыты жасақталды. Олар: Теректіліктердің өмір сүру деңгейін арттыру үшін лайықты жалақымен жаңа жұмыс орындарын ашып, кәсіпкерлерді қолдауға ықпал ету; жолдардың сапасының жақсарып, тұрғын үй, таза ауыз сумен қамту бойынша бастаған жұмыстарды жалғастыру; медициналық қызмет көрсету  және білім беру сапасын арттырып, мектептердің материалдық-техникалық базасын нығайтуға күш салу; бұқаралық спортты дамытып, «Бақытты отбасы», «Ардагерлерді ардақтайық» жобалары аясында көпбалалы және аз қамтылған отбасыларды қолдауды қамтамасыз ету; тарих пен мәдениетті дамыту; жастарды жұмыспен қамту және сыбайлас жемқорлықтың алдын алуға үлес қосу, - деп партияның əр жобаны орасан зор жауапкершiлiкпен жүзеге асырып, елiмiздiң дамуына үлес қосып жүрген кəсiпкерлердi қолдайтынын жеткiздi. Сонымен қатар, тɵтенше жағдай кезiнде халықты қолдау мақсатында атқарған жұмыстарына да тоқталды.

Аудандық мәслихат депутаттығына үмiткерлер, жас та болса, бас болып жүрген «Теректi жаңалығы - Теректинская новь» газетiнiң директор-редакторы Əдiлет Əлiбекұлы мен Теректi аудандық жастармен жұмыс жɵнiндегi ресурстық орталықтың басшысы Нұрсəуле Нұрланқызы партияiшiлiк iрiктеу «Primaries» туралы айтып, партияның жастарға туғызған мүмкiндiгiн тiлге тиек еттi. Сонымен қатар алдағы 5 жылдың ішінде Теректі ауданында атқарылатын іс-шараларды баяндап, сайлауда «Nur Otan» партиясына дауыс беруге шақырды.

Қожалық қызметкерлері партия мүшелерін мұқият тыңдап, сұрақтарына толық жауап алып, сəттiлiк тiледi.

Аягөз АЙТҚАЛИЕВА,

Теректі ауданы

 

«Nur Otan» партиясы Теректі аудандық Сайлау қорының қаражатынан төленді.

 

Байланысты жаналықтар

Тоқаев Астана халықаралық форумын өткізбеу туралы шешім қабылдады

13.04.2024

Касымбек засекретил рабочий проект экопарка на Талдыколе?

12.04.2024

Президент: Ғылымның әлеуетін табиғи апаттарға қарсы күресу үшін пайдалану маңызды

12.04.2024

Тоқаев Грузия Парламентінің төрағасын қабылдады

12.04.2024

Су тасқыны: Тоқаев қолдау көрсеткен Ердоғанға алғыс айтты

10.04.2024

Тоқаев Путинмен екі елдің шекаралас аймақтарындағы су тасқыны жағдайын талқылады

09.04.2024
MalimBlocks
Тоқаев Астана халықаралық форумын өткізбеу туралы шешім қабылдады

Форум өз жұмысын 2025 жылы жалғастыратын болады.

Касымбек засекретил рабочий проект экопарка на Талдыколе?

Столичные общественники не могут получить от сотрудников акимата рабочий проект строительства экопарка на территории Малого Талдыколя. При этом некие люди уже несколько раз пытались начать строительные работы без документов.

Президент: Ғылымның әлеуетін табиғи апаттарға қарсы күресу үшін пайдалану маңызды

Ғылымды мемлекет дамуының өзекті мәселелерінен бөле-жара қарастыруға болмайды.

Тоқаев Грузия Парламентінің төрағасын қабылдады

Кездесуде екі ел арасындағы мәдени-гуманитарлық байланыстарды нығайтуға баса назар аударылды.

Су тасқыны: Тоқаев қолдау көрсеткен Ердоғанға алғыс айтты

Қазақстан президенті Түркия Республикасымен бауырластық қатынасты, сондай-ақ екі ел халықтары арасындағы тұрақты ынтымақтастық пен өзара тілеулестікті жоғары бағалайтынын мәлімдеді.

Тоқаев Путинмен екі елдің шекаралас аймақтарындағы су тасқыны жағдайын талқылады

Тараптар екі елдің қарым-қатынастары дәстүрлі түрде әрі стратегиялық серіктестік рухында қарқынды дамып келе жатқанын атап өтті.