Тоқаев Данияр Есинді қызметінен босатты

Тоқаев Қауіпсіздік кеңесі төрағалығын алғалы бері Назарбаевтың маңайында болған кадрлар қызметінен кетіп жатыр. 
Бүгін Президент өкімімен Данияр Есин Қауіпсіздік кеңесінің ахуал орталығының меңгерушісі лауазымынан босатылды.  

Есин Қауіпсіздік кеңесінде 1 жыл 1 айға жуық уақыт отырды. Ол бұл қызметке  былтыр 17 наурызда тағайындалған еді.

Данияр Нұрашұлы 1981 жылы 21 қаңтарда Қарағанды облысында туған. ҚР Қаржы полициясы академиясын, Қазақстан-Ресей университетін, РФ Президенті жанындағы Ресей халық шаруашылығы және мемлекеттік қызмет академиясын бітірген. Еңбек жолын 1998 жылы бастаған. Әр жылдары Астана қаласының Инвестициялар және даму басқармасында жұмыс істеді: басшының орынбасары, басшы лауазымдарында болды. 2016-2018 жылдары - Астана қаласының Дін істері басқармасының басшысы. 2018-2019 жылдары Астана қаласының қоғамдық даму істері басқармасын басқарды. 2019-2020 жылдары Қазақстан Республикасының Ақпарат және қоғамдық даму вице-министрі қызметін атқарды. 2020-2021 жылдары «Рухани Жаңғыру» қазақстандық қоғамдық даму институты» КЕАҚ Басқарма төрағасы болған.