Президент Қасым-Жомарт Тоқаев қорғаныс министрі Нұрлан Ермекбаевтың қызметтен босату жөніндегі рапортын қарастырып, оның өтінішін қабылдады. Бұл туралы президенттің баспасөз хатшысы Берік Уәли әлеуметтік желідегі парақшасында хабарлады.
26 тамыз күні Жамбыл облысы Байзақ ауданындағы әскери бөлім қоймасында өрт шығып, жарылыс болды. Кемі 15 адам қаза тапты, жүзге жуық адам жараланды.
Оқиғадан кейін Азаттық тілшісінің сұрағына жауап берген қорғаныс министрі "оқиға туралы естіген бірінші минутта отставкаға кету туралы шешім қабылдағанын" мәлімдеген.
28 тамыз күні тілшілердің сұрағына жауап берген Ермекбаев "министрді кінәлауды надандық" деп, бірақ "жеке өзі кінәсіз, жазықсыз болса да, бірінші басшы ретінде отставкаға кететінін" жеткізген.
Байланысты жаналықтар
MalimBlocks
Тоқаев заңға қол қойды: шетелдік легионерлерге қаржы бөлінбейді
Мемлекет басшысы «Қазақстан Республикасының кейбір заңнамалық актілеріне дене шынықтыру және спорт, сондай-ақ артық заңнамалық регламенттеуді болғызбау мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды
