Тоқаев Қытайдың Сыртқы істер министрін қабылдады

Кездесу барысында Қасым-Жомарт Тоқаев Қытай дипломатиясының әлемдік саясатта аса маңызды рөл атқаратынына тоқталды.

Malim Админ

  • 20.05.2024

Қазақстан президенті Қасым-Жомарт Тоқаев ҚХР Мемлекеттік кеңесінің мүшесі, Сыртқы істер министрі Ван Иді қабылдады, деп хабарлайды Malim.kz.

Ақорданың мәліметінше, кездесу барысында Қасым-Жомарт Тоқаев Қытай дипломатиясының әлемдік саясатта аса маңызды рөл атқаратынына тоқталды.

Оның айтуынша, Қытайдың бастамалары жаһандық күн тәртібіне ықпал етеді және халықаралық бейбітшілік пен тұрақтылықты сақтауға елеулі үлес қосады.

Мемлекет басшысы Қытайды тауар өндіру және экспорттау, технологиялық инновация, экономикалық өсім, халықаралық инвестиция және басқа да көптеген салада мойындалған көшбасшы ел ретінде атап өтті.

Президент БҰҰ, ШЫҰ, АӨСШК сияқты халықаралық ұйымдар аясындағы қазақ-қытай қатынастарына жоғары баға берді.

Қазақстан Қытайдың сенімді серіктесі және солай болып қала береді. Бұған дейін қол жеткізілген уағдаластықтарды жүзеге асыру үшін қолдан келгеннің бәрін жасаймыз. Шын мәнінде, екі ел арасындағы байланыстар мен ынтымақтастықтың болашағы зор, – деді Президент.

Министр Ван И қазақ жерінде құрмет көрсеткені үшін мемлекет басшысына алғыс айтып, ҚХР Төрағасы Си Цзиньпиннің ізгі тілегін жеткізді.

Кездесуде сауда-экономикалық, энергетикалық, мәдени-гуманитарлық салалардағы екіжақты ықпалдастықты одан әрі нығайту перспективалары, сондай-ақ үкіметаралық қатынастарды кеңейту мүмкіндіктері талқыланды.

Мемлекет басшысы ҚХР Төрағасы Си Цзиньпинге сәлемін жолдап, оның Астанаға жасайтын алдағы мемлекеттік сапарына үлкен үміт артатынын жеткізді.

Фото: Ақорда

Байланысты жаналықтар

Астанада Тоқаев білім алған қытайлық университеттің филиалы ашылады

20.06.2024

Тоқаев Төтенше жағдайлар министріне бірқатар міндет жүктеді

20.06.2024

Суға батқан адамдарды құтқарған атыраулық полицейлер марапатталды

20.06.2024

Бір ай жұмыссыз жүрген Нұрлан Ноғаев Түрікменстанға елші болды

20.06.2024

Жамбы атудан ұлттық құрама – әлем чемпионы

19.06.2024

Президент балаларды суицидке итермелейтін жағдайлармен күресуді тапсырды

18.06.2024
MalimBlocks
Астанада Тоқаев білім алған қытайлық университеттің филиалы ашылады

ЖОО филиалы ЭКСПО аумағында орналасқан.

Тоқаев Төтенше жағдайлар министріне бірқатар міндет жүктеді

Министрдің айтуынша, 20 өрт сөндіру депосының құрылысы жүргізіліп жатыр, сондай-ақ елордада тез құрастырылатын өрт сөндіру депосы мен жатақхана салу жөніндегі пилоттық жоба іске қосылған.

Суға батқан адамдарды құтқарған атыраулық полицейлер марапатталды

Полицейлер Атырау облысы Құрманғазы ауданы полиция бөлімінде қызмет етеді.

Бір ай жұмыссыз жүрген Нұрлан Ноғаев Түрікменстанға елші болды

Ноғаев әкім кезінде 2022 жылы ереуілдер мен Маңғыстау облысында көптеген еңбек жанжалы болды.

Жамбы атудан ұлттық құрама – әлем чемпионы

Дүбірлі дода «Мажар», «Азия», «Император», «Саран» стилдері бойынша өтті

Президент балаларды суицидке итермелейтін жағдайлармен күресуді тапсырды

Президент құқықтық сауаттылық деңгейін көтеру және оқушылар арасында «Заң мен тәртіп» қағидатын насихаттау маңызды екенін айтты.