Тұрғымбаев митингке шыққандарды "қойша көгендеуді" жалғастырады

Алмас НҮСІП

  • 04.03.2020

Соңғы кезде жұрт жиі көріп жүрген жағдай – митингіге шыққан азаматтарды «қой сияқты» көтеріп апарып, көлікке тиейтін көрініс бұдан ары да жалғаса береді. Ішкі істер министрі Ерлан ТҰРҒЫМБАЕВ полицияның бұл әрекетін «митинг кезіндегі тәртіп бұзу әрекеттерімен күрес» деп атады.

Polisia.kz сайтының жазуынша, ІІМ елде санкцияланбаған митинг өткізудің жиі тіркелетінін мәлімдеген. Көлік қозғалысына кедергі келтіреді, бейберекетсіздік орнатуға тырысады. Тіпті, олар полицияның өзіне күш көрсетеді екен. Тұрғымбаевтың сөзіне салсақ, бұл «азаматтардың қауіпсіздігі мен тыныштығына қауіп төндіреді».

Дегенмен, қоғам полицияның азаматтарды жас-кәрі демей көлікке күштеп (көтеріп апарып) отырғызуына, дөрекілік көрсетуіне қарсы екенін жақсы білетін министр өңірлік полиция департаменттері және құрылымдық бөлімше басшыларына бұл істерін ары қарай жалғастыра беруді тапсырды. Ол мұны «халықтың бейбіт өмірі мен тыныштығын қамтамасыз ету» деп атады.

«Митингіге жұмысқа барғандай баратын азаматтарға алаңдаймыз. Олар арандатушылардың ықпалында жүр, бейбітшілік пен тұрақтылық – біздің басты құндылығымыз екенін, оны мейлінше бағалау керек екенін ұқпайды. Сондықтан, полиция алдағы уақытта да ел қауіпсіздігі үшін қызмет етпек. Қазақстан халқының тыныш әрі бейбіт тіршілігін қорғау - біздің негізгі міндетіміз», - дейді ол.

2019 жылдың басынан бастап күрт өскен елдегі наразылық шерулерінің барлығы дерлік қоғам белсенділері мен шеруге қатысқан азаматтарды жаппай қамаумен аяқталып келеді. Қоғам биліктің бұл әрекетін қорқақтық, дөрекілік, демократияны тұншықтыру деп бағалайды. Және «әкесіндей, анасындай адамды мал сияқты көтеріп апарып көлікке тиейтін» полиция қызметкерлерін «сатқындар» деп те атап жүр. Бұған дейін азаматтық қоғам өкілдері осы Ерлан Тұрғымбаевтың отставкаға кетуін бірнеше рет талап етті.

Коллаж: Malim.kz

Байланысты жаналықтар

Ақтауда ер адам жұрт көзінше өз әйелін пышақтаған (ВИДЕО)

14.07.2024

Оралда полиция із-түссіз жоғалған үш баланы іздеп тапты

13.07.2024

Ақтөбеде итті пышақтаған ер адам ұсталды

12.07.2024

Петропавлда ер адам бес қабатты үйдің шатырынан секіріп кеткен

12.07.2024

Алматыда бейбіт митинг өтетін орындар өзгермек

11.07.2024

Суға түсу қауіпсіздігін бұзғандар 62 миллион теңге айыппұл төлеуге міндеттелді

11.07.2024
MalimBlocks
Ақтауда ер адам жұрт көзінше өз әйелін пышақтаған (ВИДЕО)

Оны полиция қамауға алды

Оралда полиция із-түссіз жоғалған үш баланы іздеп тапты

Олар басқа қалада тұратын әкесіне барғысы келген

Ақтөбеде итті пышақтаған ер адам ұсталды

Еріктілер полиция қансырап жатқан итті бір сағат бойы өздеріне бермегенін айтып отыр

Петропавлда ер адам бес қабатты үйдің шатырынан секіріп кеткен

Оқиға 11 шілде күні болған.

Алматыда бейбіт митинг өтетін орындар өзгермек

Құжат 24 шілдеге дейін қоғамдық талқылауға шығарылды

Суға түсу қауіпсіздігін бұзғандар 62 миллион теңге айыппұл төлеуге міндеттелді

Биыл Әкімшілік құқықбұзушылық туралы кодекстің 412-бабы бойынша «Судағы қауіпсіздікті сақтамағандары үшін» әкімшілік жауапкершілікке тартылғандар саны 7 есе ұлғайған.