Қызылорда облысының бұрынғы әкімі Қуанышбек ЫСҚАҚОВ өзіне тағылған айыппен келіспейді. Бұл жайлы оның адвокаты Жалғас АСҚАРОВ айтты, деп хабарлайды Malim.kz cайтының тілшісі.
Сотта экс-әкім судья Абдуллажан САЙДУЛЛАЕВТЫҢ үкімімен келіспеген. Бір қызығы судья айыпталушыға соңғы сөз бермеген. Және Қуанышбек Ысқақов кезінде істі болған Ерлан АРЫН, Серік АХМЕТОВ, Қуандық БИШІМБАЕВ сынды президенттен кешіріп сұрамады. Шенеуніктің адвокаты да сот шешімімен мүлдем келіспейді. Аппеляциялық шағым түсірмекші.
«Біз судьядан Қуаншыбек Ысқақовты ақтауды сұрағанбыз. Оның қылмысы дәлелденбеген. Көптеген қылмыстық процессуалды заңнамалардың талаптары бұзылғаны бар. Бұл түпкілікті шешім емес. Дәлел жоқ.Біз өз позициямызда қаламыз. Ары қарай шағымданамыз», - деді Қуанышбек Ысқақовтың қорғаушысы Жалғас Асқаров.
Қуанышбек Ысқақов облыс әкімі қызметіне тағайындалғанына небәрі тоғыз ай толғанда осы жылдың көктемінде үй қамағына алынды. 80 млн теңгені алаяқтықпен өз пайдасына жаратпақ болды деген күдікке ілінген болатын. Ал ол миллиондар Арыс қаласында болған жарылыстан жапа шеккен қарапайым халыққа қайырымдылық есебінде жиналған еді.
Кеше сот Қуанышбек Ысқақовты ҚР ҚК-нің 190-бабының 4-бөлігінің 2-тармағымен кінәлі деп танып, 7 жылға бас бостандығынан айырды. Енді ол жазасын қауіпсіздігі орташа түзету мекемесінде өтейді.
Сондай-ақ, алаяқтық ісі бойынша Қызылорда облысы әкімінің бұрынғы орынбасарлары Мұрат ИМАНДОСОВ пен Марат ДЕЛМҰХАНОВ та кінәлі деп табылып, алты жылға сотталған. Әкім Ықақовтың туысқаны Азат ДОСМАЙЫЛОВ пен Жеңісбек ЫСҚАҚОВ бес жылға кесілді. Жалпы, бұл іс бойынша сотқа он адам тартылған болатын.
Фото автордікі.
Байланысты жаналықтар
MalimBlocks
