Жамбыл облысы Байзақ ауданында орналасқан әскери бөлім қоймасынан өрт шығып, жарылыс болды. Бұл туралы қорғаныс министрлігі хабарлады.
«Бүгін сағат шамамен 19:00-де Жамбыл облысының Байзақ ауданында орналасқан әскери бөлім қоймаларының бірінен өрт шықты. Өрт салдарынан белгісіз заттың жарылысы болды. Өртті сөндіруге бөлімнің шынжыр табанды өрт сөндіру машинасы мен өрт сөндіру командасы жұмылдырылған. Оларға Жамбыл облыстық төтенше жағдайлар департаменті өрт сөндіру бөлімшелерікөмек көрсетуде. Өрт ошағын жою жалғасып жатыр. Өрттің неден шыққаны анықталу үстінде», - делінген министрлік таратқан ақпаратта.
Әзірге қаза тапқандар туралы ақпарат жоқ.
Оқиға орнына қорғаныс министрінің орынбасары генерал лейтенант Руслан Шпекбаев бастаған қорғаныс министрлігінің комиссиясы жіберілді.
Жаңарту. Қорғаныс министрлігі әскери қойма жарылған жердегі тұрғындардың эвакуациясы жүріп жатқанын мәлімдеді.
MalimBlocks
Олжас Бектенов Исламабадта ШЫҰ-ға мүше мемлекеттер үкіметтерінің басшылары кеңесінің отырысына қатысты
Шанхай ынтымақтастық ұйымына мүше мемлекеттер үкіметтерінің басшылары кеңесінің 23-ші отырысында биыл шілдеде Астанада өткен саммит аясында мемлекеттер басшылары деңгейінде қол жеткізілген уағдаластықтарды іске асыруға назар аударылды.
