Жалпы ұлттық социал-демократиялық партиясы алдағы мәжіліс сайлауына байкот жариялауы мүмкін. Егер сайлаушылардың конституциялық құқығы сақталмаса. Бұл туралы партия төрағасының орынбасары Тазабек СӘМБЕТБАЙ МӘЛІМ КЗ сайтының тілшісіне хабарлады.
«Мәжіліс пен мәслихат сайлауы онлайн өтуі де мүмкін. Біраз өз басым бұған қарсымын. Өйткені бұл азаматтардың конституциялық құқығын бұзады. Олардың жеке мәліметтері жария болады және анонимность принцепіне қарсы. Әрине, ондай жүйе еуропада бар. Бірақ біз олармен өзімізді салыстыра алмаймыз. Және егер онлайн сайлау өтетін болса ол жерде заңсыздықтар орын алады», - деді Тазабек Сәмбетбай.
ЖСДП былтыр 2019 жылы өткен президенттік сайлаудан тыс қалды. 2016 жылғы парламент сайлауында 1,18 % дауыс иеленді. Бірақ сол кездегі партия жетекшісі Жармахан ТҰЯҚБАЙ сайлау қортындысымен келіспейтінін мәлімдеген еді. Содан бері жетекшісі екі рет ауысқан саяси ұйым алдағы сайлауға қатысуға ықыласты.
«Қазір сайлауға қатысты төрағамыз Асхат РАХЫМЖАНОВТЫҢ мәлімдемесі әзірленіп жатыр. Біздің партия сайлауға қатысады деген сенімдемін. Бұған дейін де партия ішінде талай талқылағанбыз. Қатысуға дайынбыз. Алайда саясатта бәрі болу мүмкін. Байкот жариялауымыз да мүмкін», - дейді Тазабек Сәмбетбай.
Мемлекет басшысы Қасым-Жомарт ТОҚАЕВ бүгін мәжіліс сайлауының 2021 жылдың 10-қаңтар күні өтетінін мәлімдеді. Мәжіліс сайлау партиялық өтеді. Бұл жолы мәслихат сайлауы да алғаш рет партиялық жүйемен өтетін болады.
Фото: Азаттық радиосы
Байланысты жаналықтар
MalimBlocks
Тоқаев заңға қол қойды: шетелдік легионерлерге қаржы бөлінбейді
Мемлекет басшысы «Қазақстан Республикасының кейбір заңнамалық актілеріне дене шынықтыру және спорт, сондай-ақ артық заңнамалық регламенттеуді болғызбау мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды
