Президент Қасым-Жомарт Тоқаев Бейбітшілік кеңесінің алғашқы отырысына қатысып жатыр. Бұл туралы Ақорданың баспасөз қызметіне сілтеп Malim.kz хабарлайды.
Жиында Қазақстанның Газаға әскер жіберуге келіскені белгілі болды.
Вашингтонда өткен «Бейбітшілік кеңесінің» алғашқы отырысында АҚШ президенті Дональд Трамп қатысушы елдер Газа секторына көмек көрсету үшін 7 млрд доллар бөлуге уәде бергенін мәлімдеді.
Сондай-ақ Газа аймағындағы Халықаралық тұрақтандыру күштерінің құрамына әскери қызметкерлерін жіберуге дайын бес мемлекет бар екені белгілі болды. Олардың қатарында Индонезия, Марокко, Қазақстан, Косово және Албания бар.
