Сәтбаев қаласында көлік жүргізушісі тротуарда тұрған жасөспірімдерді қағып кетті, - деп хабарлайды Malim.kz.
Оқиға 25 мамырда Абай көшесінде орналасқан дәмхана маңында болған. Ұлытау облыстық полиция департаментінің мәліметінше, жүргізуші бірден ұсталған.
"Полиция қызметкерлері жүргізушіні бірден ұстады. Ол мас күйде болған. Жасөспірімдер медициналық тексерістен өтті, қазір олардың өміріне қауіп жоқ", – деді департамент өкілдері.
Бұл дерек бойынша материалдар сотқа жолданды. Жақын арада үкім шығарылады. Тергеу барысы облыстық ПД басшылығының бақылауында.
Бұған дейін Қордайда мектеп оқушылары жолдан өтіп бара жатқанда көлік қағып кеткен сәттің видеосы жарияланған болатын.
Фото: видео кадры
