Арман Дүйсеновтің тұңғышын біреулер қастықпен өлтірген – Мақпал Жүнісова

Танымал әнші Мақпал Жүнсіова композитордың ұлының өліміне қатысты тың деректі айтты, деп хабарлайды Malim.kz.

Әншінің айтуынша, Абылай Арманұлын қастандықпен өлтірген.

«Марқұм Арман Дүйсеновтің тұңғышы Абылай Арманұлын біреулер қастықпен өлтірді деген суық хабар жетті. Иманы саламат болсын. Өлтірген адамды тауып, жазасын беру керек. Айсұлу, айналайын, Алла сабыр берсін. Кеше ұшып кетіп едім, туғандарына, анасына, қарындасы мен бауырына қайғырып көңіл айтамын», - деп жазды әнші.

Алматының Полиция департаменті бұл дерекке қатысты пікір білдірді. 

"Аталған дерек бойынша Бостандық аудандық полиция басқармасы қылмыстық іс қозғады. Оқиғаның себебі мен мән-жайы анықталып жатыр", – дейді Massaget.kz тілшісіне берген жауабында. 

Айта кетейік, Қазақстанның белгілі композиторы марқұм Арман Дүйсеновтің үлкен ұлы Абылай Арманұлы қайтыс болды.