Асхат Садырбай бұрынғы әйелінен 1,5 млн теңге талап етті
Оған қоса әйелінен кешірім хатын сұратып отыр
«Астарлы ақиқат» бағдарламасының жүргізушісі Асхат Садырбай өзінің бұрынғы жұбайы Айғаным Болатқызына қарсы сотқа талап арыз түсірді. Алматы қалалық азаматтық істер жөніндегі сотта қаралып жатқан бұл іс қоғамның назарын аударып отыр, деп хабарлайды Malim.kz.
Талап арызда көрсетілгендей, тележүргізуші бұрынғы әйелі Instagram, TikTok, YouTube және Facebook әлеуметтік желілерінде оның жеке өмірі мен ар-намысына қатысты жалған мәліметтер таратқанын алға тартады.
«Физикалық қысым көрсетті, бала үшін сотқа сүйреді, қорлық көрсетті» деген мәлімдемелер шындыққа жанаспайды әрі бұл жеке өмірге қол сұғу деп есептелуі тиіс», – делінген талап арыз мәтінінде.
Асхат Садырбай соттан мынадай талаптарды қанағаттандыруды сұраған:
Әлеуметтік желіде жарияланған мәліметтерді жалған деп тану;
Кешірім сұраған аудио немесе бейнежазбаны жариялау;
Жазбаша кешірім хатын ұсыну;
1 500 000 теңге көлемінде моральдық өтемақы төлеу;
Кешірім жазбасының көшірмесін «Астарлы ақиқат» редакциясына беру.
Айғаным Болатқызы бұл процестің ашық түрде өткенін қолдайтынын мәлімдеді. Оның пікірінше, БАҚ өкілдері сотқа қатысып, істің әділ және жария өтуіне ықпал етуі тиіс.
Сот ісі 2025 жылдың 21 ақпанында басталып, Алматы қаласының азаматтық істер жөніндегі сотында қаралуда.
Фото: әлеуметтік желі
MalimBlocks
«Елім саған айтам, Елбасы сен де тыңда!» - 12-ші хат
Күнi eртeң oлар мұнай, алтын, фoсфoр, мыс сeкiлдi сапасы да, бағасы да жoғары өнiмдeрдi жанын салып өндiрe бастаған сoң (oларға жeңiлдiк мoл) шаш-eтeктeн байлыққа батады. Eртeң oл кeн oрындарының қазынасын түгeл қoпарып, суалған сиыр сeкiлдi қаңыратып кeтпeсe бoлды.
