Әлеуметтік желіде «Супер тамада» деп танылған Сабыржан Түзелбаев өзінің өміріндегі ең ауыр той жайлы айтып берді, деп хабарлайды Malim.kz.
Оның айтуынша, кейде асабалардың да ауыр сынақтарға тап болатын сәттері бар.
Мен үшін ең ауыр той туралы айтқым келеді. Той болатын күні менің анам өмірден озды. Үйдегілерді жұбатып, «жыламаңдар» деп басу айттым. Бірақ өзім сыртқа шығып, көлігімнің ішінде үнсіз жыладым... Ал ертеңіне екі тойға шығу керек болды. Досым Айбек той иелеріне анамның қазасы жайлы хабарлап, жағдайды түсіндірді. Олар да түсіністік танытып, көңіл айтып жатты. Сол күні күндіз анамды жерледік. Үйге келген соң әкеме: «Аманат алған едім, не істейін?» деп сұрадым. Әкем: «Балам, аманатты орындағаның дұрыс. Туған-туыстарға «Сабыржан ауырып қалды» дейміз, сен бара бер» деді, деп еске алады Сабыржан.
Ол Аягөздегі тойға сәл кешігіп жеткенін айтады.
Мейрамханаға кіргенімде 400 адам қол соғып қарсы алды. Сол сәтте барлық қайғымды ұмытып, тойды бар ынтаммен, бір жарым сағат бойы керемет көңіл күймен жүргізіп шықтым, дейді асаба.
Фото: Видеодан алынған кадр
Байланысты жаналықтар
MalimBlocks
