«Еркек қыз боп кеттік»: Мақпал Жүнісова көпшілікті күлкіге қарық қылды

Қазақстанның халық әртісі Мақпал Жүнісова танымал журналист Дина Төлепбергенге сұхбат беріп, оқырманын күлкіге қарық қылды, деп хабарлайды Malim.kz.

Мақпал Жүнісова өзінің Instagram-дағы парақшасында бұл сұхбаттан үзінді жариялады. Дина Төлепберген өнер иесімен блиц-сауалнама ұйымдастырып, бірнеше сұрақ қойды.

Бойыңызда қайсысы көп, өнер ме, әлде нәзіктік пе? – деп сұрады Төлепберген.

Жүнісова бойында өнер басым екенін жеткізді.

Өнер. Қазір нәзіктікті ұмытып кеттік қой. Ерке қыз емес, еркек қыз боп кеттік, – деп күлді Мақпал Жүнісова.

Оқырман қауым да әншінің бұл сөзіне разы болып, оған еліне еркелеп жүре беруін тілеген. 

«Мақпал, сіз шынайы, адал, тамаша жансыз. Аллам дәрежеңізді көтерсін!», «Аузын ашса, жүрегі көрінеді» деген сөз тура Мақпал ханымға арналған сияқты», «100 жасаңыз, күлкіңізбен, өнеріңізбен халықтың ортасында еркелеп жүре беріңіз», «Әзілі де, күлкісі де жарасып тұр, осылай жарқырап, күліп, еркелеп жүре беріңіз, Мақпал апай», - деп жазды көпшілік.