Клипмейкер Төреғали Төреәлі мен Ерке Есмаханның неге араздасып қалғанын айтты
Төреғали Төреәлі видеоны өшіруді сұраған.
Қазақстандық клипмейкер әрі әзілкеш Парасат Ибраев «ТОП-3» бағдарламасында «Алло» әніне бейнебаянның түсірілімінде қандай қиындықтар болғанын айтты, деп хабарлайды Malim.kz.
Ол Төреғали Төреәлі мен Ерке Есмаханның дуэті жайлы ойын бөлісті.
Ибраевтың сөзіне қарағанда, «Алло» әніне бейнебаян жарыққа шыға сала көрерменнің ыстық ықыласына бөленген, тиісінше YouTube-тегі қаралым жағынан жоғары көрсеткішке қол жеткізді. Алайда әртістердің өзара араздасып қалуы түсірілім тобының жұмысына кедергі келтірген.
«Алло» бейнабаяны өзіме қатты ұнаған жоқ, оны түсіру кезінде де көптеген қиындық болды. Ерке мен Төреғали ренжісіп қалды, екеуінің де бойдақ кезі ме екен, есімде жоқ. Бейнебаянның соңында Ерке мен Төрештің кездесетін жері бар. Сол сәтті түсіріп жатқанда, екеуі қырылып қалып, жобаны жалғастырмаймыз деді. Төреғали: «Парасат, бәрін өшіріп таста, ақшаңды төлейміз, уайымдама», - деді. Келістім де бірақ өшірген жоқпын. Бір айдан соң Төреш хабарласып, видео туралы сұрады. Мен өшірмегенімді айтып ем, ол «онда шығарайық» деді. Монтажын аяқтап, тапсырдым. Екеуіне де ұнап, сосын шығардық. Бір айдың ішінде қаралымы 5 миллионнан асты, бұл сол кездегі рекорд болатын, - деді Парасат Ибраев.
Фото: instagram.com/erke_esmahan
