«Күйзелісте көзің көрмей қалады». Балжан Бидаш ажырасуға қатысты шындықты айтты
Әнші жарысқан соң өмір тоқтап қалмайтынын айтады.
Қазақстандық әнші Балжан Бидаш Instagram-дағы «Сұрақ-жауап» айдарында актер әрі продюсер Жаһан Отарғалиевпен ажырасуы туралы сауалға нүкте қойды, деп хабарлайды Malim.kz.
Оқырманының бірі әншіден ажырасқан соң әрі қарай не істеу керектігін сұраған.
Ажырасқан соң өмір бітіп қалмайды. Ол адамды кезіктірмей қалай өмір сүрдіңіз, солай өмір сүре беріңіз. Бірақ одан да жақсы өмір сүресіз. Өзіңізді жақсы көрмей тұрып бүкіл өміріңді, өзіңді біреуге арнап тастасаңыз, өзімді жоғалттым дей беріңіз, - деп жауап берді өнер иесі.
Тағы бір оқырманы Балжан ажырасқан соң мінезінде, өз-өзін ұстауында қатты өзгеріс байқалатынын жазған.
Шыны керек, осы сұрақтан шаршадым. Бүгін нүктесін қояйықшы. Кім болсын үйленіп жатқанда кейін ажырасып кетемін деп ойлаймайды. Соңына дейін сол жанмен бақытты боламын деп ойлайды. Тағдыр жазбаған. Қарым-қатынасымыз тоқтау керек екен, тоқтады.
Ажырасу кімге де болсын оңай соқпайды. Күйзелісте болғанда көзің көрмей қалады. Үй, дала қараңғы көрінеді. Маған да моральдық тұрғыда оғай болған жоқ. Психолог жағаламадым, тек күйзелісте жүріп уақыт жоғалтып алмас үшін болашаққа жоспар құрдым. Жұмысымды қайта қолыма алдым. Табыс табуға кірістім. Аяқтан тұру үшін бизнес-тренингтерге бардым. Сол кезде бір коуч ақыл-кеңесімен алға жылжуға шабыт берді. Осындай кезде жақындарың, жаныңда дұрыс ақыл айтатын, жол көрсететін, қолдау көрсететін адамдардың болғаны маңызды, - деді Бидаш.
Фото: instagram.com/bidash_official
MalimBlocks
