«Сіздерге қарап проблемаларымды ұмытамын»: Ерке мен Raim-ның видеосы көпшілікті сүйсіндірді
Оқырман жұлдызды жұпқа бақыт тілеп жатыр.
Отандық танымал әншілер Ерке Есмахан мен Raim отбасымен Түркияға он күндік демалысқа аттанған еді. Жұлдызды жұп әлеуметтік желіде кішкентай ұлы Исламмен видео салып, көпшіліктің ыстық ықыласына бөленді, деп хабарлайды Malim.kz.
Ерке мен Райым Кемердің сұлу табиғатына тамсанған. Кадрдан Райымның ұлымен ойнап, сонан соң Еркені құшақтап сүйгенін көруге болады.
Сәулелі сәттерім үшін Аллаға сансыз шүкіршілік айтамын! Әйел, ана бақытын аңсап, күтіп жүрген әрбір жанға жұғысты болсын! – деп жазды Ерке.
Оқырман қауым екеуінің махаббатына тәнті болып, ер азаматы шын құрметтейтін әйел бақытты болатынын жазып жатыр.
«Бәрі әйелдің қолында дейтіндерге таңғалам, ер адам сүйіп, қолдаса, қандай күшті отбасы болады ғой», «Сәуле сыйлай алатын азаматтар аман болсын, қыздарды алақанда ұстайтын заман болсын», «Кезінде талай жаман пікір жазылып еді. Қазір бақытты отбасы болып өмір сүріп жатыр. Тіл-көзіміз тасқа. Махаббат бар жерде сыйластық болады. Жұптарың жазылмасын», «Сіздерге қарап өз проблемаларымды ұмытамын», «Әйелдің бақыты – отбасы», - деп жазған көпшілік.
Фото: instagram.com/erke_esmahan
