Алматы қаласы Наурызбай ауданы әкімінің аппараты коронавирус пандемиясы өршіп тұрған уақытта 6 миллион теңгеге наурыз мейрамын тойламақ.
2021 ж. 03.16 күні мемлекеттік сатып алулар порталында Наурызбай ауданы әкімінің апараты наурыз мейрамын өткізу үшін 6 250 000 теңгеге тендер жариялағаны көрсетілген хабарландыру ілінген. Тендерге өтініш қабылдау 2021.03.16 күні басталып, 2021.03.26 күн аяқталады. Яғни өтініш қабылдау бүгін кешкі сағат 17: 01-де тоқтатылады.
№ 39052823-ОК2 лоттың сатып алынатын қызметтің техникалық ерекшелігі жөніндегі хаттамада тендерді ұтып алған тарапқы 250 минуттық концерттік бағдарлама, 1 минуттық бейнеролик, 1000 адамға жететіндей наурыз көже және т. б дайындау міндеттері жүктелген. Бұдан бөлек, ұйымдастырушыларға мерекелік іс-шараға Наурызбай ауданының 2000 азаматының қатысуын қамтамасыз ету қажет деген де талап қойылған.
6 миллион теңгеге наурыз мерекесін тойлауы Шымкенттегі көктем мейрамына жұмсалған 572 миллион теңге қаржымен салыстырғанда «көлге тамған тамшыдай» екені түсінікті. Бірақ коронавирустың өршуіне байланысты Алматыда сауда ойын-сауық орталықтары мен базарлар жабылып, қоғамдық көліктер сенбі-жексенбі күндері қысқартылған графикте жұмыс істеп жатқан уақытта Наурызбай ауданы әкімдігінің той тойлауыға дайындалуы түсініксіз. Бір біріңмен екі метр қашықтан араласыңдар деген атқамінерлер, енді 2000 адам жинап, тегін көже таратпақшы...
Байланысты жаналықтар
MalimBlocks
«Досаев қала түгіл лашық басқара алмайды!» Алматыдағы бейбіт митинг қалай өтті?
Алматыда қаңтардағы қанды қырғыннан кейін алғаш рет ауқымды митинг өтті. Ғылым ордасы ғимараты маңына жүзге жуық адам жиналды. Бастапқыда қалаға жаңа тағайындалған «Ерболат Досаев қызметінен кетсін» деген лозунгпен басталған шара аяғында әртүрлі ұрандар айтылды. Халықтың несиеге белшеден батқанынан бастап, «қаңтарда қайтыс болғандардың өліміне президент Тоқаев кінәлі» деген пікірлер болды.