Қазақстанда бірнеше ауру түрі міндетті әлеуметтік медициналық сақтандыру жүйесі қатарынан алынып, тегін медициналық көмектің кепілдік берілген көлеміне енді. Енді муковисцидоз, мукополисахардиоз, гипофиз нанизмі, миастения, бауыр-ми дистрофиясы, гипофиздің гормональді ісіктері, акремелгалия, ерте жыныстық даму тәрізді аурулар бойынша тегін медициналық көмек пен дәрі-дәрмек беріледі.
Медициналық сақтандыру қорының Нұр-Сұлтан қаласындағы филиал жетекшісі Нұрлыбек Қабдықапаровтың айтуынша, денсаулық сақтау министрлігі жоғарыда аты аталған аурулар әлеуметтік маңызды сырқаттар тізіміне кіргізіп, тегін медициналық көмектің кепілдік берілген көлемі жайлы бұйрыққа өзгерістер енгізген.
Сонымен қатар ол жыл басынан бері астананың өзінде ғана 190 313 науқасқа жалпы сомас 9,12 миллиард теңгеге тең 680 381 тегін рецепт берілгенін жеткізді. Олардың арасында балаларға да бірқатар ауру бойынша тегін дәрі-дәрмек берілген. Атап айтқанда, жедел распираторлық-вирустық инфекция бойынша 10 173 балаға, анемия бойынша 782 балаға, рахит бойынша 548 балаға, пневмония бойынша 2183 балаға, синусит пен аденид ауруы бойынша 525 балаға тегін дәрі-дәрмекке рецепт берілген.
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
