Болат Назарбаев ауырмапты. Тұсау кесіп жүр

Әлеуметтік желілерде Болат Назарбаевтың дін-аман, кішкентай сәбидің тұсауын кесіп жатқаны бейнеленген видео тарады. Бейнежазбаны көрген көпшілік оның мұндай қуанышқа қалай тап болғанына таңғалып жатыр. 

Ал былтыр оның үстінен іс қозғалғанда, кейбір БАҚ өкілдері үйіне барған еді. Онда Болат Назарбаевтың  ұзақ уақыттан бері науқас екендігі, арбаға таңылып отырғаны көрсетілген-ді. Тіпті сөйлеуден қалғанын айтып, төндіргендер бар.

Көп ұзамай журналист Ибраш Нүсіпбаев оның ауырып жатқанына сенбейтінін айтқан. Әріптесіміз Қырғызстанның шекара қызметінің 2022 жылдың 6 қаңтарында таңғы сағат 05:30 шамасында Бөкеңнің «Ақ жол» бақылау-өткізу пунктінен өз аяғымен өтіп, 7 қаңтарда Бішкек әуежайы арқылы Дубайға ұшып кеткені жайындағы мәліметті алға тартқан еді.

Мына видеоның қашан түсірілгені белгісіз. Егер рас болса, сарапшылар айтқан «науқас Болатты көрсету арқылы туыстары қоғамның аянышын туғызғысы келеді, өйткені оның үстінен іс қозғалуы мүмкін» деген  пікір шындықтан алыс  болмағаны.