Доллар тапшылығы – уақытша құбылыс
Ресей-Украина қақтығысынан кейін Ресейге салынған санкциялардан Қазақстанда қолма-қол доллар тапшылығы байқалуда.
Біздің дереккөздердің айтуынша, бұл қолма-қол валютаны басқа елдерден жеткізу мерзімінің ұзаруымен байланысты, өйткені санкцияларға байланысты Ресей арқылы және Ресейден тасымалдау мүмкін болмай қалды.
Мамандар мұның уақытша құбылыс екеніне сенімді. Өйткені Ресейдегі санкцияға байланысты ешкім тәуекелге барғысы келмейді.
Қазіргі кезде Ұлттық банк пен банктердің өздері басқа елдерден тікелей қолма-қол доллар жеткізуді тез арада қайта ұйымдастырып, шетелден қолма-қол доллар жеткізу мерзімін жылдамдатуда.
Бұл жағдайдың шетел валютасындағы қолма-қол ақшасыз операцияларға мүлдем қатысы жоқ.
