Шілдеде Қазақстанда ұнның тоннасы 250 мың теңгеге дейін қымбаттауы мүмкін. Астық өңдеушілер одағының басшысы Әлихан Талғатбек осылай деп отыр. Ақпанда тоннасы 120 мың теңгеден алынған астық қорының түбі көрінген. Енді тоннасы 170 мың теңгеден алынған астық өңделмек. Бұл барлық ұн өнімдерінің бағасына ықпал етері сөзсіз.
«Ресей ұн экспортына шектеу қойғаны себепті соңғы бірнеше айда қазақстандық диірмендердің 80 пайызы жұмысы тоқтатады. Салдарынан біз Тәжікстан мен Өзбекстан нарығын жоғалттық. Бұл мемлекеттерге жіберілетін ұн экспортының мөлшері қысқарды. Аталмыш нарықты ресейлік кәсіпорындар жаулап алды. Өйткені баға жағынан біз бәсекелесе алмаймыз», – дейді одақ президенті Әлихан Талғатбек.
Одақ ақпаратына сай, биыл ақпан-маусым аралығында ұнның тоннасы 160 мың теңгеден 220 мыңға дейін өсті. Бұл бұрынғы бағадан 37,5%-ке жоғары.
Байланысты жаналықтар
MalimBlocks
