Ішкі істер министрі Ерлан ТҰРҒЫМБАЕВТЫҢ айтуынша, Жамбыл облысы Қордай ауданындағы оқиға кезінде 8 адам қаза болып, ондаған адам жараланды. Бұл туралы министр орталық коммуникациялар қызметінде өткен брифингіде мәлімдеді.
"7 ақпан күні сағат 19.00-де Жамбыл облысы полиция департаментінің кезекші бөліміне Қордай ауданындағы Масанчи ауылының шетіне 70 адам жиналып, төбелес басталды деген ақпарат түсті. Оқиға орнына Қордай ауданы ішкі істер департаментінің қызметкерлері келіп жетті, ал "арандатушылар мен куәгерлер оқиғаны видеоға түсіріп, әлеуметтік желі мен мессенджерлер арқылы азаматтарды заңсыз әрекетке шақырды. Бұл жанжалды ушықтырды, жаппай төбелеске қосылғандар көбейді. Нәтижесінде көршілес елдімекендердер тағы 300 адам келіп, төбелеске қосылды. Жаппай тәртіпсіздік кезінде ондаған адам жарақаттанып, 8 адам көз жұмды", – деді ішкі істер министрі.
Ерлан Тұрғымбаевтың айтуынша, екі полицейге оқ тиіп, жараланған. 30-дан астам үй, 15 сауда нысаны қирап, 23 көлік бүлінген. "47 адам ұсталып, полиция бөлімшесіне жеткізілді, екі аңшылық мылтығы тәркіленді. Қазір қылмыстық кодекстің 272-ші (жаппай тәртіпсіздік ұйымдастыру мен оған қатысу) бап пен 99-бабы (адам өлтіру) бойынша қылмыстық іс қозғалды", – дейді Е.Тұрғымбаев.
Скриншот vlast.kz сайтынан алынды.
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
