Мәсімов терроризмді қаржыландырушы деп танылды
ҰҚК-інің бұрынғы төрағасы Кәрім Мәсімов және оның бұрынғы орынбасарлары Әнуар Садықұлов пен Дәулет Ерғожинді терроризм мен экстремизмді қаржыландыруға қатысы бар тұлғалар тізіміне қосты,- деп хабарлады Қаржы мониторингі агенттігінің сайтында.
Жеке тұлғаны экстремистік немесе террористік қылмыстар жасауға кінәлі деп тану туралы заң күшіне енген соң сот үкімі жеке тұлғаны тізімге енгізеді. Бұл тізімге енген адамдарға нотариалды және сақтандыру қызметтері көрсетілмейді, банктегі барлық активтері бұғатталады.
Бүгінге дейін тізімде 28231 жеке тұлға мен ұйым бар. Мәсімов 28230 нөмірін алды.
Бұрынғы Ұлттық Қауыпсіздік комитетінің басшысы Кәрім Мәсімов сәуір айында 18 жылға бас бостандығынан айырылған болатын. Ол Қантардың бас ұйымдастырушысы болып айыпталды.
