Мүгедектігі бар жандардың қаладағы жүріп тұруына, қозғалысына ешқандай кедергі болмауы тиіс. Шымкент қаласы әкімінің осы тапсырмасы
бойынша құрылған арнайы топ бүгін шаһардағы бірқатар нысандарға барып, аяқжолдар мен пандустардың ыңғайлылығын тексеріп шықты. Кемшілік бар жерлерге ескерту айтты. Мүгедектігі бар жандардың өтініштерін жеткізді.
Бүгінде Шымкент қаласында 37 046 мүмкіндігі шектеулі азамат бар. Мүгедектерге арнайы жабдықталған «Инватакси» бойынша 18 көлікке 407 өтінім қабылданып, қызмет көрсетілуде.
Басқарма тарапынан мүгедектігі бар азаматтар қажетті құралдар мен қызметтерді өзінің электрондық қолтаңбасын (ЭЦҚ) пайдалана отырып, әлеуметтік қызметтер порталы арқылы тапсырыс беруге барлық мүмкіндік жасалынған. Нәтижесінде мүгедектігі бар 2510 адамға 488445 құралдар жеткізілді.
«Кедергісіз келешек» жобасы аясындағы іс-шараға қалалық жұмыспен қамту және әлеуметтік қорғау басқармасы, аудан әкімдіктері мен тиісті басқарма қызметкерлері және «Нұр Отан» партиясының өкілдері, қалалық «Қазақ соқырлар қоғамы», мүгедектер қоғамының мүшелері қатысқан.
Байланысты жаналықтар
MalimBlocks
