Қазақстанда Pfizer вакцинасы егілетін адамдардың тізімі толығуы мүмкін. Бұл туралы бүгін Денсаулық сақтау министрі Алексей Цой мәлімдеді.
«Pfizer вакцинасына тоқталсақ, бастапқы кезеңде бұл екпелер 12 жастан бастап балаларға және жүкті әйелдерге арналады. Кейін осы вакцинамен қамтылатындар тізімін кеңейтуіміз мүмкін», - деді министр Мәжілістегі Үкімет сағатында депутаттар сауалына жауап бере отырып.
Цойдың айтуынша, қазіргі таңда Pfizer вакцинасы 12-17 жас аралығындағы балалар мен жүкті әйелдерге рұқсат етілген жалғыз екпе болып тұр. Министр осыған байланысты Pfizer компаниясымен 2021 жылдың соңына дейін 4 млн доза вакцинаны жеткізу бойынша шартқа қол қойылғанын айтты.
Қазіргі уақытта республика азаматтарына Спутник -V,«QazVac», «Hayat-Vax», «КоронаВак» және «Синофарм» сынды бес түрлі вакцина қолжетімді.
Байланысты жаналықтар
MalimBlocks
