Путинге жаппай смс-хабарлама жіберіліп жатыр
Мобилизациямен соғысқа жіберілгендердің әйелдері Владимир Путинмен 14 желтоқсанға жоспарланған тікелей байланыс нөмеріне жаппай хабарлама жіберіп, туыстары қашан соғыстан оралатынын сұраған.
Әйелдер соғыстағы жағдайдың нашарлығына, әскерилердің жалақысы мен демалысы дұрыс берілмей жатқанынан наразы болып отыр. Олар мобилизациямен соғысқа жіберілгендерді алмыстыруды да талап еткен.
Ресейде осыған дейін мобилизациямен соғысқа жіберілгендердің туыстары манифест жазып, петицияға қол жинап, автомобиль флешмобын бастаған болатын. Наразылар көліктеріне «Vерните мужа! Я Zа#балась» деген жазу жапсырған еді.
Ресей билігі мобилизацияға қатысты қандай да бір бейбіт митингілерге рұқсат бермей келеді.
