Қаңтар қырғынында қаза болғандарды да «террорист» жасамақ па?

  • 01.03.2022

Қаңтар қырғынында қаза болғандардың бәрі террорист пе сонда? Президент Қасым-Жомарт Тоқаевтың бастамасымен құрылған «Қазақстан халқына» қоры ұсынған мәліметке сүйенсек, осындай қорытынды жасауға болады.

Қор қаңтар оқиғасында қаза болған күштік құрылым қызметкерлерінің отбасына көмек берілетінін мәлімдеді. Жарақат алғандарға да арнайы көмек тағайындалмақ. Сонымен бірге, оқыстан қаза болған және жарақаттанған бейбіт тұрғындарға да жәрдем қарастырылатыны айтылыпты. Қор қаржысынан әр қаза болған сарбаздың немесе қарапайым тұрғынның отбасына 7 миллион теңгеден, ал жарақаттанғандарға 3 миллион теңгеден берілмек.

"Қаңтар оқиғасы кезінде кенеттен қайтыс болғандардың отбасына материалдық көмек беру жөнінде шешім қабылдадық. Біз тиісті органдармен бірлесіп жұмыс істеп, оқыстан қаза болғаны дәлелденгеннен кейін көмек береміз. Тергеу істерін соңына дейін күтпестен, қазір жәрдем беруді шештік", - деді қор төрағасы Болат Жәмішев.

Бәрі дұрыс делік. Бірақ, Қазақстанның адам құқықтары бойынша арнайы өкілі Эльвира Әзімова мен Балалар құқықтары бойынша арнайы өкілі Аружан Саин қаңтар оқиғасында 29 бейбіт тұрғынның оқыс оқ тиіп қаза болғанын айтыпты. Бұған қосымша 3 бала көз жұмған және 4 бала жарақаттанған.

Енді еске салайық, ресми билік Қаңтар оқиғасы кезінде 227 адамның қаза болғанын айтқан. Оның 21-і құқық қорғау органдарының қызметкерлері. Демек, қаза болған 206 қарапайым тұрғын қаза тапқан. Дегенмен, қор бұл 206 адамды түгелдей қарапайым тұрғын қатарына қоспай отыр. Бұл 206 адамның 32-сі ғана бейбіт тұрғын болса, қаза болғандардың 174-і «террорист» болғаны. «20 мың террорист кіріп кетті» деп байбалам салған билік соңғы кездері 20 мың терроистер туралы айтуды сиретті. Мықтаса, «оқиға кезінде бәрі ұшаққа мініп, келген жағына кетіп қалыпты», деп, елді бір күлдіріп алады.

Бұған дейін қаза болғандар мен жарақаттанғандарға көмек көрсету бойынша сараптамалық комитеттің мүшесі Қайырбек Сүлейменов қаза болған бейбіт тұрғындар саны 100-ге жуықтайды деген. Ал бүгін бұл сан үш есе қысқарып, 29-ақ адам болып қалыпты. Соған қарағанда, «Қазақстан халқына» қоры «террористерді» қаза болғандар есебінен де көбейткісі келіп отырған сияқты.  

Қаңтар қырғынында қаза болған 227 адамның тізімін ресми билік әлі жариялаған жоқ. Азаматтық белсенділердің ұйымдастыруымен жасалған тізім болмаса, қаза болғандарға эксгумация жасаумен, шерушілерді азаптаумен айналысқан билік асығар емес.

Байланысты жаналықтар

Алмаз Шарман: Реанимация бөліміне вакцина салдырмаған науқастар түсіп жатыр

24.07.2021

Цой антиваксерлердің әріптестеріне қол көтеру оқиғасына пікір білдірді

20.07.2021

Тәуелсіздіктің 30 жылдығында сотталғандарға рақымшылық жасалады

11.10.2021

Жеке кәсіпкер табыс салығын төлемейді

03.04.2020

Қоғамдық кеңес жемқорлықпен күреске қарқын бермек

05.02.2020

Алматыда вакцинация паспортын сатқан қызметкерлер ұсталды

12.07.2021
MalimBlocks
Алмаз Шарман: Реанимация бөліміне вакцина салдырмаған науқастар түсіп жатыр

Цой антиваксерлердің әріптестеріне қол көтеру оқиғасына пікір білдірді

Тәуелсіздіктің 30 жылдығында сотталғандарға рақымшылық жасалады

Жеке кәсіпкер табыс салығын төлемейді

Қоғамдық кеңес жемқорлықпен күреске қарқын бермек

Алматыда вакцинация паспортын сатқан қызметкерлер ұсталды