Мәжілістің бір топ депутаты қаржы пирамидаларына жарнама жасаған адамдарға қатысты қылмыстық жауапкершілік енгізуді көздейтін заң жобасын әзірледі. Бұл заң жобасын мәжіліс депутаттары мамыр айында талқылайтын болады.
Мәжіліс отырысында депутат Юрий Ли , Қаржы нарығын реттеу және дамыту агенттігі,Бас прокурор, Қаржы мониторингі агенттігі мен ішкі істер министріне қаржы пирамидаларына қатысты депутаттық сауал жолдады. Депутат 11 сәуірде астанада Mudarabah Capital қаржы пирамидасының салымшыларының бірі өзін-өзі өртеп жібергенін еске салды.
"Біз қаржы пирамидаларына қарсы күресті күшейту туралы талай рет депутаттық сауал жолдадық. Сол сауалдардың бірінде Mudarabah Capital қаржы пирамидасын жарнамалағандарды жауапкершілікке тарту мәселесіне баса назар аудардық. Жұлдыздар мен блогерлердің осындай пирамидаларды жарналамауға қатысуын өте ұят және қылмыс деп есептейміз. Қазіргі таңда олардың көбісіне қатысты тергеу жүріп жатыр", - деді депутат Ли.
Сондай-ақ ол мәжілістің бір топ депутаты қаржы пирамидаларына жарнама жасаған адамдарға қылмыстық жауапкершілік енгізуді көздейтін заң жобасын әзірлегенін айтты. Тиісті процедуралардан кейін, мамыр айында депутаттар заң жобасын қарауға кіріседі.
Мәжіліс спикері Ерлан Қошанов аталған заң жобасын тез арада қарауды тапсырды.
"Онда қаржы пирамидаларын жарнамалағаны үшін жауапкершілік енгізілуі керек. Әсіресе, вайнерлерге, әртістерге, блогерлерге, қоғамдық пікір лидерлеріне қатысты. Егер олар қаржы пирамидасының алаяқтық мазмұнын түсіне отырып, оны жарнамалайтын болса, олар осы үшін жазалануы керек. Өйткені халық оларға сенеді, ақшасын салады, кейін бар жиған-тергенінен айырылады. Біз мұндай алаяқтардың әрекеті қандай трагедияға әкеп соғатынын көрдік", - деді Қошанов.
Айта кетейік, 11 сәуірде астанада Mudarabah Capital қаржы пирамидасына 20 миллион теңге салым салған әйел жұрттың көзінше өзін өртеп жібермек болған еді. Оған жедел көмек көрсетіліп, кейін ауруханаға жеткізілгені, өміріне қауіп тұрған жоқ екені айтылды. Mudarabah Capital қаржы пирамидасы 2020 жылы құрылған, оны танымал вайнерлер Мейіржан Төребаев, Мейірхан Шерниязов және Әзімжан Саидбаев жарнамалаған. Аталған қылмыстық іс бойынша 14 адам күдікті деп танылып, оның екеуіне халықаралық іздеу жарияланған.
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
