ҚТЖ-ға Түркістан облысындағы теміржол көпірінің қоршауы опырылғаны үшін айыппұл салынды
Осы оқиғаға байланысты облыстық полиция әкімшілік іс қозғады.
Түркістан облысында теміржол көпірінің бір бөлігі опырылғаны үшін ҚТЖ-ға айыппұл салынды.
Облыстық полиция әкімшілік іс қозғап, енді ұлттық компания айыппұл төлеуі керек. Сонымен қатар, бір апта ішінде жөндеу жұмысын жүргізуі керек. Олай болмаған жағдайда іс материалдары сотқа жіберіледі.
Еске салайық, кеше Түркістан облысында теміржол көпірінің қоршауы опырылып түсті. Оқиға кеше сағат 16:15-те Арыс-Түлкібас учаскесінде болды. ҚТЖ-ның хабарлауынша, пойызға тиелген ауыр баннерден түскен жүктің салдарынан көпір қоршауының бір бөлігі опырылып құлаған. Зардап шеккендер жоқ.
