Қымбат көліктерді шенеуніктерге тегін таратты

Алматы қалалық Мемлекеттік мүлік және жекешелендіру департаментінің басшылығы 2023 жылдың мамыр айында тәркіленген бірнеше автокөлікті мемлекеттік мекемелерге тегін таратып берген.

Мемлекеттік меншіктің электрондық аукционында ҰҚК тәркілеп әкелінген екі автокөлік жарияланды. Біріншісі 2016 жылы шыққан Toyota Land Cruiser люкс, бағалау қорытындысында көліктің жағдайы жақсы, арестте тұрғаны жазылған. Жол талғамайтын көлік 33 миллион теңгеге бағаланған, тәркіленген екінші көлік - 2021 жылғы Jeep Wrangler, 32 миллион теңгеге бағаланды. Бірақ екеуі де сатылмай, белгісіз мемлекеттік мекеменің балансына өтіп кетті.

Алматы қалалық Мемлекеттік мүлік және жекешелендіру департаменті көлік тұрағын түгелдей дерлік босатты. Дәл осы кезеңде құны 10 миллион теңге тұратын 2019 жылғы Nissan Qashqai кроссовері, сондай-ақ 2017 жылғы Mini Cooper (14 миллион теңге) және 2001 жылғы Lexus RX 300 көлігі де аты аталмаған мемлекеттік мекемеге кетті.